ކ. މާލެ
|
6 ޖޫން 2023 | އަންގާރަ 16:03
ޖާހު އިންވެސްޓްމެންޓުގެ ފަރާތުން އިމާރާތްކުރަމުންދާ "ދަ ގާޑަންސް" ފްލެޓު
ޖާހު އިންވެސްޓްމެންޓުގެ ފަރާތުން އިމާރާތްކުރަމުންދާ "ދަ ގާޑަންސް" ފްލެޓު
ޖާހު އިންވެސްޓްމެންޓް
ޖާހު ފްލެޓް
ޖާހުގެ ފްލެޓްތައް ނިންމަން 30 ދުވަހުގެ ނޯޓިސް ދީފި
އަރބަންކޯއަށް ބިމުގެ އަގު ދެއްކުމަށްވެސް 30 ދުވަހުގެ ނޯޓިސް ވަނީ ދީފައި
"ދަ ގާޑަންސް"ގެ މަސައްކަތް ފަށާފައިވަނީ 2017ގައި

ޖާހު އިންވެސްޓްމެންޓުގެ ފަރާތުން ހުޅުމާލޭގައި އިމާރާތްކުރަމުންދާ ހައުސިން މަޝްރޫއު ނިންމުމަށް 30 ދުވަހުގެ ނޯޓިސް ދީފިއެވެ.

އަރބަންކޯއިން ބުނީ 2017 ވަނަ އަހަރު ހުޅުމާލޭގައި މެދުފަންތީގެ ހައުސިންގ މަޝްރޫއު ހިންގުމަށް ޖާހު އިންވެސްޓްމަންޓާ ހަވާލުކުރެވިފައިވާ މަޝްރޫއު ނުނިމި ގިނަ ދުވަސްތަކެއް ވެފައިވާއިރު، މި މައްސަލަ ބެލުމަށްފަހު ޖާހު އިންވެސްޓްމަންޓަށް މަސައްކަތް ނިންމުމަށް އަންގާފައިވާކަމަށެވެ.

އަދި އަރބަންކޯއަށް ދައްކަންޖެހޭ ބިމުގެ އަގު ދެއްކުމަށް 30 ދުވަހުގެ މުއްދަތެއް ދީ ނޯޓިސް ހަވާލުކޮށްފައިވާކަމަށް އެކުންފުނިން ވަނީ ބުނެފައެވެ. މިގޮތަށް ނޯޓިސް ދިނުމުގެ ކުރިން، އެކި ފަހަރުމަތިން މަސައްކަތްތައް ނިންމުމަށް ގިނަ ފުރުސަތުތަކެއް ޖާހު އިންވެސްޓްމަންޓަށް ދީފައިވާކަން އަރބަންކޯއިން ވަނީ ފާހަގަކޮށްފައެވެ.

ޖާހު އިންވެސްޓްމެންޓުގެ ފަރާތުން "ދަ ގާޑަންސް"ގެ ނަމުގައި ތަރައްގީކުރަމުންއަންނަ ފްލެޓުތަކުގެ މަސައްކަތް ފަށާފައިވަނީ 2017 ވަނަ އަހަރުއެވެ. އެތަނުގައި 83 އެޕާޓްމަންޓް ހަދައެވެ.

އެ އެޕާޓްމަންޓުތައް ނުނިމި ދިގުލައިގެންދާތީ ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ. ޖާހުގެ ފަރާތުން މީގެ ކުރިން ވަނީ މަސައްކަތް ނިންމަން އެކި މުއްދަތުތައް ދީފައެވެ.

Advertisement

Advertisement
އެންމެ ފަހުން އަޕްޑޭޓް ކުރީ: 15 ގަޑިއިރު ކުރި
ރިވިއު ކުރީ: އައިޝަތު ރިޔާޒް
- ކޮމެންޓް