ނ. މަނަދޫ އަތޮޅު ހޮސްޕިޓަލުގައި އައި.ސީ.ޔޫއެއް ހެދުމުގެ މަސައްކަތް ކުރުމަށް ބަޔަކާއި ހަވާލުކޮށްފިއެވެ.
އެ މަސައްކަތް ހަވާލުކޮށްފައި ވަނީ އެލް.އެމް.އޭ އިންވެސްޓްމަންޓާ އެވެ.
އެ މަސައްކަތުގެ ޖުމްލަ އަގަކީ 4,679,588.73 (ހަތަރު މިލިއަން ހަ ލައްކަ ހަތްދިހަ ނުވަހާސް ފަސްސަތޭކަ އަށްޑިހަ އަށްރުފިޔާ ހަތްދިހަ ތިން ލާރި) އެވެ.
އަދި އެ މަސައްކަތް ހަވާލުކޮށްފައި ވަނީ ޖުމުލަ 150 ދުވަހުގެ ތެރޭގައި ނިންމާ ގޮތަށެވެ.
އެ އެއްބަސްވުމުގައި މިނިސްޓްރީ އޮފް ހެލްތުގެ ފަރާތުން ސޮއިކުރެއްވީ ސީނިއަރ އެގްޒެކެޓިވް ޑައިރެކްޓަރު ޢަބްދުލް ޙަންނާނު ޙުސައިނެވެ. އަދި އެލް.އެމް.އޭ އިންވެސްޓްމަންޓް ފަރާތުން ސޮއިކުރެއްވީ މެނޭޖިންގ ޑައިރެކްޓަރު މުޙައްމަދު އަނަސްއެވެ.
