މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ޅ.މާފިލާފުށީގައި އަސްކަރީ ތަމްރީންތަކެއް ކުރިޔަށް ގެންދިޔުމަށް ހަމަޖެހިފައިވާތީ ކަނޑުދަތުރުކުރާ ފަރާތްތަކުން މިކަމަށް ސަމާލުވުމަށް ޓްރާންސްޕޯޓް މިނިސްޓްރީން އިލްތިމާސްކޮށްފިއެވެ.

ޓްރާންސްޕޯޓް މިނިސްޓްރީން ކޮށްފައިވާ އިއުލާނެއްގައި ބުނެފައިވަނީ މެއި 16ން 19ށް އަދި 20ން 21ށް އަސްކަރީ ތަމްރީނުތަކެއް ކުރިޔަށްގެންދާކަން މިނިސްޓްރީ އަށް އަންގާފައިވާކަމަށެވެ. މިތަމްރީންތަކުގައި ވައިގެ ސަރަހައްދު ބޭނުންކުރުމަށް ހަމަޖެހިފައިވާކަމަށް މިނިސްޓްރީން ބުނެއެވެ.

މިނިސްޓްރީން ބުނީ އެމްއެންޑީއެފުން ކުރިޔަށްގެންދާ އަސްކަރީ ތަމްރީނުތަކެއް މެއި 16ން 19ށް ކޮންމެ ދުވަހަކު އިރުއޮއްސި 6ން ހެނދުނު 6ށް ޅ.މާފިލާފުށީގައި ކުރިޔަށްދާނެކަމަށެވެ. މިތަމްރީނުތަކުގައި ވައިގެ ސަރަހައްދު ބޭނުންކުރާނެ އެންމެ ދުރުމިނަކީ 300 މީޓަރެވެ. އަދި ވައިގެ ސަރަހައްދު ބޭނުންކުރާނެ އެންމެ އުސްމިނަކީވެސް 300 މީޓަރެވެ. ވައިގެ ސަރަހައްދު ބޭނުންކުރާނެ އެންމެ ތިރި މިނަކީ ސީ ލެވެލްއެވެ. އަދި ވައި ސަރަހައްދު ބޭނުންކުރާނެ ޑައިރެކްޝަނަކީ މާފިލާފުށި، މާކޯ، މެދުފުށި އަދި މީދާހުރާއާ ދިމާމަތިކަމަށެވެ.

މެއި 20ން 21ށް ކޮންމެ ދުވަހެއްގެ އިރުއޮއްސި 6ން މެންދަމު 1ށް އަސްކަރީ ތަމްރީންތައް ކުރިޔަށްގެންދާނެއެވެ. މިތަމްރީނުތަކުގައި ވައިގެ ސަރަހައްދު ބޭނުންކުރާނެ އެންމެ ދުރުމިނަކީ 4600 މީޓަރެވެ. ވައިގެ ސަރަހައްދު ބޭނުންކުރާނެ އެންމެ އުސްމިނަކީ 300 މީޓަރެވެ. އަދި ވައިގެ ސަރަހައްދު ބޭނުންކުރާނެ އެންމެ ތިރިމިނަކީ ސީލެވެލްއެވެ. ވައި ސަރަހައްދު ބޭނުންކުރާނެ ޑައިރެކްޝަނަކީ މާފިލާފުށީގެ އިރުދެކުނެވެ.