މިދިޔަ 10 ވަރަކަށް އަހަރު ދުވަހަށް ބަލާއިރު، ދުނިޔޭގެ އެކި ކަންކޮޅުތަކުން އެންމެ ގިނަ ބައެއްގެ މަޤުބޫލުކަން ލިބުނު އެއް ކޭމަކީ، ދެކުނު އިރުމަތީ އޭޝިއާގެ ޤައުމުތަކުގެ ކޭންތަކެވެ. ވަކިން ހާއްސަކޮށް، ޖަޕާނުގެ ސުފުރާތައް ހާއްސަ ސުޝީއަށް ލޯބިކުރަން ފެށި މީހުންގެ ޢަދަދު ވަކިން ގިނައެވެ. ނަމަވެސް، ރަނގަޅު ފެންވަރުގެ ސުޝީ މީލްއަކީ ތާ އަބަދު ކެއުމަށް ކޮންމެ މީހެއްގެ ޖީބު ތަނަވަސްވެފައި އޮންނަ ކެއުމެއް ނޫނެވެ. މިކަމަށް ހައްލު ހޯދާދިން އެކަކީ، މިޞްރުގެ ޒުވާނެއް ކަމަށްވާ މުޙައްމަދު ސަމީރުއެވެ.
މިޞްރުގެ ވެރިރަށް ޤާޚިރާގެ މަގުތަކުގައި ސަމީރަކީ މަޤުބޫލު ވިޔަފާރިވެރިއެކެވެ. ސަބަބެއް ނެތިއެއް ނޫނެވެ. ސަމީރު ސުޝީ ބައިސްކަލަކީ، ހެޔޮ އަގުގައި ސުޝީ ތަޖުރިބާ ކޮށްލުމުގެ ފުރުޞަތު، އެތައް ބަޔަކަށް ހޯދާދޭ ގާޑިޔަލެކެވެ،
މި ވިޔަފާރީގެ އަސްލަކީ، އަގުބޮޑު ރެސްޓޯރަންޓްތަކުން ސުޝީ ކާން ނުލިބޭ މީހުންނަށް، ހެޔޮ އަގެއްގަ ސުޝީ ލިބޭނެ ގޮތް ހަދާދިނުން. އަހަރެން ސުޝީ ސަރވް ކުރަން ބަހައްޓަނީ، ރަނގަޅަށް ބައްދާފަ ހުންނަ ފޮއްޓެއްގަ. އަހަރެން ބޭނުން ތަނަކަށް އެ ގެންދެވޭ ގޮތަށް ހުންނާނީ. ހުރިހާ ހިސާބަކުންވެސް މީހުން އާދޭ މި ސުޝީގެ ރަހަ ބަލަން. ﷲ އަށް ޙަމްދު ހުރި.މުޙައްމަދު ސަމީރު؛ ސުޝީ ގާޑިޔާގެ އޯނަރު
2019 ވަނަ އަހަރު، ސުޝީ ގާޑިޔާގެ މަސައްކަތް ފެށުމުގެ ކުރިން ސަމީރަކީ، ތަފާތު އެކި ރެސްޓޯރަންޓްތަކާއި ހޮޓާތަކުގައި މަސައްކަތްކޮށް، ދާއިރާގެ ތަޖުރިބާވެސް ހޯދައިގެން ހުރި ޒުވާނެކެވެ. ސުޝީތަކުގެ ރައްކާތެރިކަމާއި ސާފުތާހިރުކަން ކަށަވަރުވާނެ ގޮތަށް، ސުޝީ ތަބަކުގައި، ބިއްލޫރި މައްޗެއްވެސް ސަމީރު ޖަހާފައި ހުރެއެވެ. ސަމީރު ބުނި ގޮތުގައި ރެސްޓޯރަންޓަކަށް ގޮސް ސުޝީ މީލްއެއް ކާލުމަށް ވުރެ، އޭނާގެ ގާޑިޔާ ކައިރިއަށް ގޮސް ސުޝީ ގަނެލައިގެން ކާލުމަކީ ގިނަ ބަޔަކަށް މިއަދު އޮތް އެންމެ ފަސޭހަ އަދި ޖީބަށްވެސް ލުއި މަގެވެ.
ޒުވާން ފިރިހެން ކުދިންނަށް އަހަރެން ބުނެލަން ބޭނުން، ހިތްވަރު އެލުވާނުލާށޭ. ކޮންމެ ދާއިރާއެއްގައިވިއަސް، ގަދަ އަޅާ މަސައްކަތް ކުރާށޭ. ޙަލާލު ކަމަށް ވަންޏާ، ކޮންމެ ކަހަލަ މަސައްކަތަކަށް ވިއަސް، މައްސަލައެއް ނެތޭ. އާމްދަނީ ވަންނަ ގޮތް އެނގޭ، ފައިދާ ކުރަނިވި މަސައްކަތެއް ވިއްޔާ ވިސްނާނެ ކަމެއް ނެތް. މަޑުމަޑުން ކާމިޔާބު ލިބެމުން ދާނީ. އަހަރަމެން އަބަދުވެސް ޢުއްމީދު ކުރަން، މާތް ﷲ، އަހަރަމެންނަށް ކާމިޔާބު ދެއްވާނެ ކަމަށް. މި މަސައްކަތް ފުޅާވެ، ކުޑަ ފިހާރައެއް ހުޅުވޭނެ ދުވަހެއް އައުމަކީ އަހަރެންވެސް ކުރާ ޢުއްމީދެއް.މުޙައްމަދު ސަމީރު؛ ސުޝީ ގާޑިޔާގެ އޯނަރު
ސުޝީތަކުގެ ރައްކާތެރިކަމާއި ސާފުތާހިރުކަން ކަށަވަރުވާނެ ގޮތަށް، ސުޝީ ތަބަކުގައި، ބިއްލޫރި މައްޗެއްވެސް ސަމީރު ޖަހާފައި ހުރެއެވެ. ސަމީރު ބުނި ގޮތުގައި ރެސްޓޯރަންޓަކަށް ގޮސް ސުޝީ މީލްއެއް ކާލުމަށް ވުރެ، އޭނާގެ ގާޑިޔާ ކައިރިއަށް ގޮސް ސުޝީ ގަނެލައިގެން ކާލުމަކީ ގިނަ ބަޔަކަށް މިއަދު އޮތް އެންމެ ފަސޭހަ އަދި ޖީބަށްވެސް ލުއި މަގެވެ.
ވަރަށް ރަނގަޅު ޚިޔާލެއް. ބައެއް މީހުންނަކީ، ރެސްޓޯރަންޓަކަށް ވަދެ ސުޝީ ކާން ބޭނުންވާ މީހުންނެއް ނޫން، އަގު ބޮޑު ކަމުން. އަނެއް ބައި މީހުންނަކީ މަގު ހިނގާ ހިތްވާ މީހުން. އެހެން އުޅޭ އިރު މި ފެންނަނީ ސުޝީ ވިއްކާ ގާޑިޔާ. 10 މިޞްރު ޕައުންޑް ނޫނީ 30 ސެންޓަށް އެތިކޮޅެއް އެބަ ލިބޭ... ކިތަންމެ ބުންޏަސް، މީހުންނަށް ފަސޭހަ ވާނެ ގާޑިޔާއިން ސުޝީ ގަނެގެން އެ ތަޖުރިބާކޮށްލަން. އެ ހެޔޮ އެންމެ ދޭތިކޮޅަށްވިއަސް، ރެސްޓޯރަންޓަކަށް ދިއުމަށްވުރެ މި ގޮތް މާ ފަސޭހަ ވާނެ.މަޙްމޫދު ސަޢީދު؛ ސުޝީ ގާޑިޔާގެ ކަސްޓަމަރެއް
މި ފަހަކަށް އައިސް، މިޞްރުގެ ރެސްޓޯރަންޓްތަކުގައިވެސް ސުޝީގެ މަޤުބޫލުކަން ދަނީ އިތުރު ވަމުންނެވެ. ސީދާ ސުޝީ މީލް ތައްޔާރު ކުރަން ހާއްސަ ރެސްޓޯރަންޓްތައްވެސް މިޞްރުގެ އެކި ހިސާބުތަކުގައި ދަނީ ހުޅުވަމުންނެވެ.
