އިންޓަ ސްކޫލް 15 އަހަރުން ދަށުގެ ފުޓުބޯޅަ މުބާރާތުގެ ކުއާޓާ ފައިނަލްގައި ޖަމާލުއްދީން ބަލިކޮށް، ކަލާފާނުން ސެމީ ފައިނަލްގެ ފުރަތަމަ ޖާގަ ހޯދައިފި އެވެ.
ކުއާޓާ ފައިނަލުން ކަލާފާނަށް ޖާގަ ލިބުނީ އެ ޓީމު ހިމެނުނު ގްރޫޕްގައި ކުޅުނު ތިން މެޗުން ވެސް މޮޅުވެ އެއް ވަނަ ޓީމުގެ ގޮތުގަ އެވެ. މަޖީދިއްޔާ ހިމެނުނު ގްރޫޕްގައި އެ ޓީމު ވަނީ ކުޅުނު ތިން މެޗުގެ ތެރެއިން ދެ މެޗުން މޮޅުވެ އެއް މެޗުން ބަލިވެފަ އެވެ. މަޖީދިއްޔާ އަށް ކުއާޓާ އިން ޖާގަ ލިބުނީ ގްރޫޕްގެ ދެ ވަނަ ޓީމުގެ ގޮތުގަ އެވެ. ހޮނިހިރު ދުވަހުގެ ހަވީރު ގަލޮޅު ރަސްމީ ދަނޑުގައި ކުޅުނު މެޗު ކަލާފާނުން ކާމިޔާބު ކުރީ 1-0 އިންނެވެ. މެޗުގެ ފުރަތަމަ ހާފު ނިމުނީ ލަނޑެއް ކާމިޔާބު ނުކުރެވި އެވެ. ނަމަވެސް ދެ ވަނަ ހާފުގެ 43 ވަނަ މިނެޓުގައި ކަލާފާނު މޮޅުކޮށްދިން ލަނޑު ޖެހީ އާކިފް ބިން މުޙައްމަދު އެވެ.
މުބާރާތުގެ ސެމީ ފައިނަލް މެޗުތައް ކުޅުމަށް ހަމަޖެހިފައި ވަނީ ބުދަ ދުވަހު އެވެ.
