އިންޓަރ ސްކޫލް 15 އަހަރުން ދަށުގެ ފުޓުބޯޅަ މުބާރާތުގެ ކުއާޓަރ ފައިނަލްގެ ގުރު ނަގައިފިއެވެ.
ފަސް ގްރޫޕަކަށް ބަހައިގެން ކުރިއަށް ގެންދާ މުބާރާތުގެ ކުއާޓާ ފައިނަލުން ޖާގަ ލިބުނު ޓީމުތަކަކީ ކަލާފާނު ސްކޫލް، މަޖީދިއްޔާ ސްކޫލް، އިމާދުއްދީން ސްކޫލް، ތާޖުއްދީން ސްކޫލް، ޖަމާލުއްދީން ސްކޫލް، ގުރައިދޫ ސްކޫލް، އިސްކަންދަރު ސްކޫލް އަދި ރެހެންދި ސްކޫލެވެ. ގްރޫޕް އޭ، ބީ އަދި ސީން ކުއާޓަރއަށް ދިޔައީ އެއްވަނަ ޓީމާއި ދެވަނަ ޓީމެވެ. ގްރޫޕް ޑީ އަދި އީން ދިޔައީ އެއްވަނަ ޓީމެވެ.
މުބާރާތުގެ ކުއާޓަރ ފައިނަލްގެ މެޗުތައް ފެށުމަށް ހަމަޖެހިފައި ވަނީ ހޮނިހިރު ދުވަހުގެ ހަވީރުއެވެ. ކުއާޓަރގެ ފުރަތަމަ މެޗުގައި އެ ދުވަހުގެ ހަވީރު ކުޅޭނީ ޖަމާލުއްދީން އަދި ކަލާފާނެވެ. ދެވަނަ ކުއާޓަރގައި އެރޭ ގުރައިދޫން ނުކުންނާނީ މަޖީދިއްޔާއާ ދެކޮޅަށެވެ. ތިންވަނަ ކުއާޓަރގައި އާދިއްތަ ދުވަހުގެ ހަވީރު އިސްކަންދަރުން ނުކުންނާނީ އިމާދުއްދީނާ ދެކޮޅަށެވެ. ފަހު ކުއާޓަރގައި ރެހެންދިން ތާޖުއްދީނާ ދެކޮޅަށް ކުޅޭނީ އެރޭއެވެ. ކުއާޓަރ މެޗުތަކަށްފަހު މުބާރާތުގެ ސެމީ މެޗުތައް އޮންނާނީ ބުދަ ދުވަހުއެވެ.
މިއަހަރުގެ މުބާރާތުގައި ވަނީ 19 ސްކޫލަކުން ބައިވެރިވެފައެވެ.
