ފުޓުބޯޅަ އެސޯސިއޭޝަން އިފް މޯލްޑިވްސް (އެފްއޭއެމް) އިން އިންތިޒާމުކޮށްގެން ބާއްވާ އިންޓަ ސްކޫލް 17 އަހަރުން ދަށުގެ މުބާރާތުގެ ފުރަތަމަ މެޗު ބްރައިޓްވޭ އިންޓަނޭޝަަނަލް ސްކޫލް އިން ކާމިޔާބުކޮށްފި އެވެ.
އާދިއްތަ ދުވަހުގެ ހަވީރު ގަލޮޅު ރަސްމީ ދަނޑުގައި ކުޅުނު ގްރޫޕް އޭގެ މެޗު ބްރައިޓްވޭ އިން ކާމިޔާބުކުރީ 2-1 އިން މާފުށި ސްކޫލް ބަލިކޮށްގެންނެވެ. މެޗުގައި ބްރައިޓްވޭ އަށް ފުރަތަމަ ލީޑު ލިބުނީ މާފުށި ސްކޫލްގެ އަޙުމަދު ސައިފާން އަތުން މެޗުގެ 13 ވަނަ މިނެޓުގައި ބައި ކޮޅަށް ވަތް ލަނޑުންނެވެ. އޭގެ ފަހުން މެޗުގެ 26 ވަނަ މިނެޓުގައި މާފުށި ސްކޫލް އިން ވަނީ ލަނޑެއް ޖަހައި ނަތީޖާ ހަމަހަމަކޮށްފަ އެވެ. އެ ޓީމަށް ނަތީޖާ ހަމަހަމަކޮށްދިނީ އިބްރާހީމް ވިފާރު ނާސިރު އެވެ. މެޗުން ބްރައިޓްވޭ މޮޅުކޮށްދިނީ މުޙައްމަދު ޔައީޝް ނަބީލު އެވެ. އޭނާ ލަނޑު ޖެހީ މެޗުގެ 70 ވަނަ މިނެޓުގަ އެވެ.
ޖުމުލަ ހަތަރު ގްރޫޕަކަށް ބަހާލައިގެން ކުރިއަަށްދާ މުބާރާތުގައި މިހާރު ކުޅެނީ ގްރޫޕް ސްޓޭޖުގެ މެޗުތަކެވެ. ކޮންމެ ގްރޫޕަކުން އެއް ވަނަ ހޯދާ ޓީމާއި، ދެ ވަނަ ހޯދާ ޓީމު ދާނީ މުބާރާތުގެ ކުއާޓާ ފައިނަލަށެވެ. ކުއާޓާ ފައިނަލުން މޮޅުވާ ހަތަރު ޓީމު ސެމީ ފައިނަލްގައި ކުޅޭނެ އެވެ. އެއަށްފަހު ފައިނަލަށް ދާނީ ސެމީން މޮޅުވާ ދެ ޓީމެވެ. މުބާރާތުގެ ފައިނަލް މެޗު ކުޅުމަށް ހަމަޖެހިފައި އޮތީ ފެބްރުވަރީ މަހުގެ ނުވަ ވަނަ ދުވަހު އެވެެ.
