އެތުލެޓިކޯ މެޑްރިޑު ނޫން އެހެން ކުލަބެއްގައި މަސައްކަތް ކުރުމަކީ އޭނާ އަށް ތަސައްވަރު ވެސް ނުކުރެވޭ ކަމެއް ކަމަށް ޑިއޭގޯ ސިމިއޯނީ ބުނެފިއެވެ.

ސިމިއޯނީ މިހެން ބުނީ ޔުއެފާ ޗެމްޕިއަންސް ލީގު ގްރޫޕް ސްޓޭޖުގައި ބުދަ ދުވަހުގެ ރޭ ކުލަބް ބްރޫޖާ ދެކޮޅަށް ކުޅޭ މެޗުގެ ކުރިން އޮތް ޕްރެސްގައި ވާހަކަ ދައްކަމުންނެވެ. އެ ޕްރެސްގައި ސިމިއޯނީ ބުނީ އޭނާ އިރުޝާދު ދޭން ބޭނުންވާ ކުލަބަކީ އެތުލެޓިކޯ ކަމަށެވެ. އަދި މިހާރު އެ ކުލަބަށް ޚާއްސަ ލޯތްބެއް އޮންނަ ކަމަށް ވެސް އޭނާ ބުންޏެވެ.

މީގެ އިތުރުން ސިމިއޯނީ ވަނީ މެޗުގެ ފުރަތަމަ 11 އާ ގުޅޭ ގޮތުން ވެސް ވާހަކަ ދައްކާފައެވެ. އޭނާ ބުނީ ފުރަތަމަ 11 ގައި ޔާއޮ ފެލިކްސް ނުހިމެނީ ސަބަބެއް އޮތުމުން ކަމަށެވެ. އެއީ އަދި ވެސް ފެލިކްސް މުޅިން ރަނގަޅު ނުވާތީކަން ފާހަގަކޮށް އޭނާ ބުނީ، އޭނާ އާއެކު ދެން ތިބި ކުޅުންތެރިން މިވަގުތު މާ ރަނގަޅު ކަމަށް ފެންނަ ކަމަށެވެ. އެކަން އެގޮތަށް ނިންމީ ކޯޗެއްގެ ހައިސިއްޔަތުން އޭނާ އަށް އެކަން ޤަބޫލު ވެސް ކުރެވޭތީ ކަމަށް ސިމިއޯނީ ބުންޏެވެ.

ދެ ވަނަ ލެގުގައި ބްރޫޖާ ދެކޮޅަށް ނުކުންނައިރު، ފުރަތަމަ ލެގުގައި ބްރޫޖުން ވަނީ އެތުލެޓިކޯ ބަލިކޮށްފައެވެ. މި ވަގުތު އެތުލެޓިކޯ އޮތީ ގްރޫޕްގެ ފުލުގައެވެ. ނަމަވެސް ބުދަ ދުވަހުގެ ރޭ ކުލަބް ބްރޫޖް ބަލިކޮށްގެން އެ ޓީމަށް އުންމީދެއް ހޯދޭނެއެވެ. އެ މެޗު ފަށާނީ ބުދަ ދުވަހުގެ ރޭ ރާއްޖެ ގަޑިން 21:45 ގައެވެ.