މޯލްޑިވްސް ޗެސް އެސޯސިއޭޝަނުން ބޭއްވުމަށް ހަމަޖެހިފައިވާ ނެޝަނަލް ޖޫނިއަރ ޗެސް ޗެމްޕިއަންޝިޕް އާދީއްތަ ދުވަހު ފަށަން ނިންމައިފިއެވެ.
ޗެސް އެސޯސިއޭޝަނުން މައުލޫމާތުދޭ ގޮތުގައި ހޮނިހިރު ދުވަހު އޮންނާނީ މުބާރާތުގެ ޓެކްނިކަލް މީޓިންގ އެވެ. އަދި މުބާރާތުގެ މެޗުތައް ފަށާނީ އާދީއްތަ ދުވަހުއެވެ. މުބާރާތް ކުރިއަށްދާނީ މި މަހުގެ 27 ވަނަ ދުވަހުގެ ނިޔަލަށެވެ.
މި މުބާރާތުގެ އުމުރުފުރާތަކުގެ އެއްވަނައަށް ހޮވޭ ކުދިންނަށް އޮކްޓޫބަރު 11 ގައި ފެށުމަށް ހަމަޖެހިފައިވާ އޭޝިޔަން ޖޫނިޔާ ޗެސް ޗެންޕިޔަންޝިޕް އިން ޖާގަ ހޯދުމުގެ މަސަކަތްތައް މޯލްޑިވްސް ޗެސް އެސޯސިއޭޝަނުން އަންނަނީ ކުރަމުންނެވެ.
ދާދި ފަހުން ޗެސް އެސޯސިއޭޝަނުން ވަނީ ނެޝަނަލް ކްލަބް ޗެސް ޗެމްޕިޔަންޝިޕްވެސް ބާއްވާފައެވެ. ނެޝަނަލް ކްލަބް ޗެސް ޗެމްޕިޔަންޝިޕްއަކީ އެސޯސިއޭޝަނުން ބާއްވާ އެންމެ ބޮޑު މުބާރާތެވެ.
