ޕައުލޯ ޑިބާލާގެ މޮޅު ކުޅުމާއެކު އިޓާލިއަން ލީގުގައި މޮންޒާއާ ދެކޮޅަށް ކުޅުނު މެޗު ރޯމާ އިން ކާމިޔާބުކޮށްފިއެވެ.

ރޯމާގެ އަމިއްލަ ދަނޑުގައި ކުޅުނު މެޗު 3-0 އިން ކާމިޔާބުކޮށް، އެ ޓީމު ވަނީ ލީގު ތާވަލްގެ އެއް ވަނަ މަގާމަށް ޖެހިލައިފައެވެ. މެޗު ފަށައިގެން 18 ވަނަ މިނެޓުގައި ރޯމާ އިން ވަނީ ލީޑު ނަގާފައެވެ. މި ލަނޑު ޓަމީ އަބްރަހަމްގެ އެހީތެރިކަމާއެކު ޖެހީ ޑިބާލާއެވެ. ރޯމާގެ ދެ ވަނަ ލަނޑު ވެސް ޖެހީ ޑިބާލާއެވެ. އެއީ މެޗުގެ 32 ވަނަ މިނެޓުގައި އޭނާ ކާމިޔާބުކޮށްދިން ލަނޑެވެ.

ރޯމާގެ ފަހު ލަނޑު އެ ޓީމުން ޖެހީ ދެ ވަނަ ހާފުގައެވެ. މެޗުގެ 61 ވަނަ މިނެޓުގައި ޕެލެގްރިނީ ތަނަވަސްކޮށްދިން ފުރުސަތެއްގައި މި ލަނޑު ޖެހީ ރޮގާ އިބާނެޒް އެވެ.

ހަތަރު މެޗުން 10 ޕޮއިންޓް ހޯދައިގެން ރޯމާ އޮތީ އެއް ވަަނަ މަގާމުގައެވެ. ކުޅުނު ހަތަރު މެޗުގެ ތެރެއިން ރޯމާ ވަނީ ތިން މެޗުން މޮޅުވެ، އެއް މެޗުން އެއްވަރުވެފައެވެ.