އަޟްހާ ޢީދު ފާހަގަ ކުރުމަށް ޢީދު މަޅި ރޯކުރުމުގެ ތެރޭގައި ގއ. ދާންދޫގެ ޒުވާނަކު ފިހިއްޖެއެވެ.
އެ ރަށު ކައުންސިލްގެ ރައީސް މުޙައްމަދު އާސިމް "ރާއްޖެ އެމްވީ" އަށް ވިދާޅުވި ގޮތުގައި މި ހާދިސާގައި އަނިޔާވެފައިވަނީ އެ ރަށުގެ 19 އަހަރުގެ ފިރިހެނެއް ކަމަށެވެ. އެނާގެ އަތުގެ ތަންތަން ފިހިފައިވާއިރު އެ ރަށު ހޮސްޕިޓަލުގައި ފަރުވާ ދެމުންދާ ކަމަށް ވެސް އާސިފް ވިދާޅުވިއެވެ.
އާސިފް ވިދާޅުވީ އެ ޒުވާނާ ފިހުނީ ޢީދު މަޅި ޖެހި ވަގުތު ޕެޓްރޯލް އަޅަން އުޅުމުން ކަމަށެވެ. އޭނާ ދިޔައީ މަޅި ޖަހަން ހަދާފައި ހުރި ތަނުގެ ވަށައިގެން ޕެޓްރޯލް އަޅަމުން ކަމަށާއި އެ ވަގުތު އޭނާ އެކަން ކުރަމުން ދިޔަކަން ރޯކުރި މީހުންނަށް ނޭނގުނީ ކަމަށް ވެސް ވިދާޅުވިއެވެ.
މި ހާދިސާގައި އިތުރު ޒުވާނަކަށް ވެސް ވަނީ އަނިޔާވެފައެވެ. ނަމަވެސް ދެ މީހުންނަށް ވެސް ސީރިއަސް އަނިޔާއެއް ނުލިބޭ ކަމަށާއި ދެ މީހުންގެ ހާލުވެސް ރަނގަޅު ކަމަށް އާސިފް ވިދާޅުވިއެވެ.
