ރިވައިވަލް ސްޕޯޓްސްގެ ކުޅުންތެރިން ތަމްރީނު ހޯދަން މެލޭޝިޔާއަށް ހިނގައްޖެއެވެ.

ބެޑްމިންޓަންއަށް ޚާއްޞަ, އަދި އެންމެ ރަނގަޅަށް ހިނގަމުން އަންނަ ކްލަބްގެ ހަތަރު ކުޅުންތެރިން ވަނީ މެލޭޝިޔާގައި މެޗުތަކެއް ކުޅެން އެޤައުމަށް ގޮސްފައެވެ. ޓީމާއެކު ދިޔަ ކުޅުންތެރިންނަކީ އަހުމަދު ތޯއިފް, ޒަޔާން ޒަކީ, ރިޝްވާން ޝިޔާމް, އަދި ހައިޝަމް އިބްރާހީމްއެވެ. މީގެއިތުރުން ކޯޗު ނަޝްފާން މުޙައްމަދު ޓީމާއެކު މެލޭޝިޔާއަށް ދިޔައެވެ. މިއީ މެލޭޝިޔާގައި ވާދަވެރި މެޗުތަކެއް ކުޅެ, ކުރިއަށްހުރި މުބާރާތްތަކަށް ތައްޔާރުވުމަށް ކުރި ދަތުރެއްކަމަށް ރިވައިވަލް ސްޕޯޓްސްއިން މައުލޫމާތުދެއެވެ. އެގޮތުން މިދަތުރުގައި މެލޭޝިޔާގެ އެކި ކްލަބްތަކާއެކު މެޗުތައް ކުޅޭނެއެވެ. އޭގެތެރޭގައި މެލޭޝިޔާގެ ނިއު ވިޝަން ބެޑްމިންޓަން އެކަޑަމީއާއެކު ކުޅޭ މެޗުތައް ހިމެނެއެވެ.

މިކޭމްޕްގައި ރިވައިވަލް ސްޕޯޓްސްއިން މެލޭޝިޔާގައި ހޭދަކުރާނީ މިމަހުގެ 5-12 އަށެވެ. ރިވައިވަލް ސްޕޯޓްސްގެ އަމާޒަކީ އިންޓަރނެޝަނަލް ރަނގަޅު ކާމިޔާބީތަކެއް ހޯދުމެވެ.