ހދ. ނޭކުރެންދޫ ފެރީ ހަޓުގެ މަސައްކަތް ނިމިއްޖެކަމަށް އެމަސައްކަތް ކުރި އެމްޓީސީސީން ހާމަކޮށްފިއެވެ.
އެ ކުންފުނީގެ މި މަސައްކަތަކީ އެ ރަށުގައި ހަދާ ފެރީ ސްޓޮޕް މަސައްކަތުގެ ތެރޭގައި ހިމެނޭ މަސައްކަތެކެވެ.
އެމްޓީސީސީން މައުލޫމާތުދިން ގޮތުގައި މި ފެރީ ސްޓޮޕްގައި ކިއޮސްކް އަކާއި، ވެއިޓިންގް އޭރިއާއެއް ހިމެނެއެވެ. އަދި އަންހެނުންނާއި ފިރިހެނުންނަށް ވަކިން ފާހާނާއެއް ހުންނާނެ އެވެ.
މި ފެރީ ސްޓޮޕްއަކީ އިންޓަރގްރޭޓެޑް ނޭޝަނަލް ޕަބްލިކް ފެރީ ނެޓްވޯކު މަޝްރޫޢުގެ އާރްޓީއެލްގެ ފުރަތަމަ ފިޔަވަހީގެ ޒޯން 1 ގެ ދަށުން ޤާއިމުކުރެވޭ ފެރީސްޓޮޕެކެވެ.
