މަންކީޕޮކްސް އައުޓްބްރޭކާމެދު ސަމާލުވެ ތިބުމަށް އެމެރިކާގެ ރައީސް ޖޯ ބައިޑެން އެދިވަޑައިގެންފިއެވެ.
އާދިއްތަ ދުވަހު ކުރިއަށްދިޔަ ނޫނސްވެރިންގެ ބައްދަލުވުމެއްގައި ބައިޑެން ވަނީ މަންކީޕޮކްސް އައުޓްބްރޭކްއަކީ އެންމެންވެސް އެއާމެދު ސަމާލުވެ ތިބެންޖެހޭ ބައްޔެއްކަން ފާހަގަ ކުރައްވާފައެވެ.
ބައިޑެން ވިދާޅުވި ގޮތުގައި އެމެރިކާގެ ސިއްޙީ ވުޒާރާތަކުން މިހާރު ގެންދަނީ އެ ބައްޔަށް ދެވިދާނެ ފަރުވާތަކާއި ވެކްސިން އާއި ގުޅޭގޮތުން މަޝްވަރާ ކުރަމުންނެވެ.
ދެކުނު ކޮރެއާއަށް ކުރެއްވި ދަތުރުފުޅުގައި އެއާބޭސްގައި ހުންނަވައި ވާހަކަ ދައްކަވަމުން ބައިޑެން އިތުރަށް ވިދާޅުވީ، ކުރިއަށް އަޅުއްވަންޖެހޭ ފިޔަވަޅުތަކާއި ގުޅޭގޮތުން މަޝްވަރާތައް ކުރިއަށްދާ ކަމަށެވެ.
މެއި 20ން 24ށް ދެކުނު ކޮރެއާއާއި ޖަޕާނަށް ކުރައްވާ ދަތުރުފުޅެއްގައި ބައިޑަން ވަނީ ހުކުރު ދުވަހު ދެކުނު ކޮރެއާއަށް ވަޑައިގެންފައެވެ. ބައިޑެން ނޫސްވެރިންނާ ބައްދަލް ކުރައްވާ ވާހަކަ ދައްކަވާފައިވަނީ ޖަޕާނަށް ފުރާވަޑައިގެންނެވުމަށް އެއާފޯސް 1 އަށް އަރާވަޑައި ގެންނެވުމުގެ ކުރިން އެއާބޭސްގައެވެ.
