ރ. އަތޮޅު ރިސޯޓެއްގެ އިމާރާތަކުން މީހަކު ވެއްޓި މަރުވެފައިވާ ކަމަށް ފުލުހުން ބުނެފިއެވެ.
އިމާރާތަކުން ވެއްޓި މަރުވެފައިވަނީ އުމުރުން 28 އަހަރުގެ ދިވެހި ފިރިހެނެކެވެ. އޭނާ ވެއްޓިފައިވަނީ ރިސޯޓުގެ އިމާރާތެއްގެ 4 ވަނަ ފަންގިފިލާއިން ކަމަށް ފުލުހުން ބުންޏެވެ.
ފުލުހުން މައުލޫމާތުދޭގޮތުގައި, އެ މީހާ ވެއްޓުނުކަމުގެ މައުލޫމާތު ލިބިފައިވަނީ ހުކުރު ދުވަހުގެ ރޭ 12:49ހާއިރުއެވެ. އެ މީހާ އެ އަތޮޅުގެ އުނގޫފާރު ހޮސްޕިޓަލަށް ގެންދިޔަ ކަމަށާއި، ގެންދިޔަ އިރުވެސް މަރުވެފައިވާ ކަމަށް ހޮސްޕިޓަލުން މައުލޫމާތު ދޭކަމަށް ފުލުހުން ބުނެއެވެ.
މިކަމާ ގުޅިގެން ބަލަން ޖެހޭ އިތުރު ކަންކަން ބަލަމުންދާ ކަމަށް ވެސް ފުލުހުން ބުނެއެވެ.
