މޯލްޑިވްސް ސްޕޯޓްސް އެވޯޑް ޖަލްސާގެ ސެކިއުރިޓީ ބެލެހެއްޓުމަށްޓަކައި ދުވާ ޓްރެކް ހިމެނޭ ސަރަހައްދުގެ ބައެއް މަގުތައް އާންމު ދަތުރުފަތުރަށް ބަންދުކުރުމަށް ހަމަޖެހިފައިވާކަމަށް މޯލްޑިވްސް ޕޮލިސް ސަރވިސްއިން ބުނެފިއެވެ.
އާންމު ދަތުރުފަތުރާއި ހިނގާ މީހުންނަށް ބަންދުކުރުމަށް ހަމަޖެހިފައިވާ މަގުތައް:
- ބޮޑުތަކުރުފާނުމަގު އިއްޒުއްދީންމަގާ ގުޅުނު ހިސާބުން ފެށިގެން ބޮޑުތަކުރުފާނުމަގު އާމިނާރަނި ހިނގުމާ ހަމައަށް.
- ހިލާލީމަގު އާޒާދީ ހިނގުން ގުޅުނު ހިސާބުން ފެށިގެން ހިލާލީމަގު ބޮޑުތަކުރުފާނުމަގާ ހަމައަށް.
- މާފަތްކިލެގެފާނު ހިނގުން ބޮޑުތަކުރުފާނުމަގާ ގުޅުނު ހިސާބުން ފެށިގެން މާފަތްކިލެގެފާނު ހިނގުން އަމީނީމަގާ ހަމައަށް.
- ކުރެދިގޯޅި.
- ވައިދެރި ހިނގުން ހުދުފަޅު ހިނގުން ގުޅުނު ހިސާބުން ފެށިގެން ވައިދެރި ހިނގުން ބޮޑުތަކުރުފާނުމަގާ ހަމައަށް.
- ހުދުފަޅު ގޯޅި ބޮޑުތަކުރުފާނުމަގާ ގުޅުނު ކަންމަތި
- މި ސަރަހައްދުތައް، މިއަދު 18:00 އިން ޖަލްސާ ނިމެންދެން އާންމު ދަތުރު ފަތުރަށާއި ފައިމަގުގައި އުޅުއްވާ ފަރާތްތަކަށް ބަންދުކުރެވޭނެއެވެ.
ޕާކިންގއަށް ހުސްކުރުމަށް ހަަމަޖެހިފައިވާ މަގުތައް:
- ބޮޑުތަކުރުފާނު މަގު މޭރީ ބްރައުން ކުރިމަތި ޕާކިންޒޯން
- މާފަތްކިލެގެފާނު ހިނގުން ބޮޑުތަކުރުފާނު މަގާ ގުޅުނު ހިސާބުން ފެށިގެން މާފަތްކިލެގެފާނު ހިނގުން އަމީނީމަގާ ދެމެދު ޕާކިންޒޯން
- ކުރެދިގޯޅި ޕާކިންޒޯން
މި ސަރަހައްދުތައް މިރޭ އޮންނަ ޖަލްސާ އަށާއި މާދަމާ ރޭ (18 މާރިޗު) އޮންނަ މިއުޒިކް ޝޯވ އަށް 19:00 އިން ފެށިގެން ހަރަކާތްތައް ނިމެންދެން ޕާކިންގއަށް ބަންދުކުރެވޭނެއެވެ. އެހެންކަމުން ދުރާލާ މިކަމަށް ތައްޔާރުވުމަށް ފުލުހުން ވަނީ އިލްތިމާސްކޮށްފައެވެ.
