ފާއިތުވި 24 ގަޑިއިރު މާލެ ސަރަހައްދުން ކޮވިޑް-19ށް ޕޮޒިޓިވްވީ 14 މީހުން ކަމަށް އެޗްޕީއޭގެ ތަފާސްހިސާބުތަކުން ދައްކައިފިއެވެ.
އެޗްޕީއޭއިން ހާމަކޮށްފައިވާ ތަފާސްހިސާބުތަކަށް ބަލާއިރު ފާއިތުވި 24 ގަޑިއިރު ޓެސްޓްކޮށްފައިވަނީ 1667 ސާމްޕަލެވެ. އޭގެތެރެއިން ޕޮޒިޓިވްވެފައިވަނީ 204 ސާމްޕަލެވެ.
204 މީހުންގެ ތެރެއިން އަތޮޅުތަކުން ޕޮޒިޓިވްވެފައިވަނީ 171 މީހުންނެވެ. ހިނގަމުންދާ ރިސޯޓްތަކުން 14 މީހުން ޕޮޒިޓިވްވެފައިވެއެވެ. 5 މީހަކު ޕޮޒިޓިވްވި ތަނެއް ދެނެގަނެވިފައެއްނުވެއެވެ.
މިއާއެކު ރާއްޖެއިން ޕޮޒިޓިވްވި މީހުންގެ އަދަދު ވަނީ 174،367ށް އަރާފައެވެ. 161،537 މީހުން ވަނީ ބަލިން ފަސޭހަވެފައެވެ. މިވަގުތު އެކްޓިވް ކޭހުގެ ގޮތުގައި ގުނަމުން އަންނަނީ 12،520 ކޭހެވެ. ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަނީ 4 މީހުންނަށެވެ.
މިހާތަނަށް 297 މީހުން ވަނީ މިބަލީގައި ނިޔާވެފައެވެ.
