އެމްޑީޕީގެ ޕާލަމެންޓަރީ ގްރޫޕުގެ ލީޑަރުކަމަށް ހިތަދޫ އުތުރު ދާއިރާގެ މެމްބަރ މުޙައްމަދު އަސްލަމް އާއި މެދުހެންވޭރު ދާއިރާގެ މެމްބަރ ޢަލީ އާޒިމް އާއެކު ޕީޖީ ގްރޫޕްގެ އެކި މަގާމުތަކަށް 15 މެމްބަރުން ކުރިމަތިލައްވައިފިއެވެ.

ޕީޖީ ޑެޕިއުޓީ ލީޑަރ ކަމަށް ކުރިމަތިލައްވާފައިވަނީ މުޙައްމަދު ރަޝީދު ޙުސެއިން، ޙުސެއިން ޝަހީމް އަދި އިލްޔާސް ލަބީބެވެ. އަމީން ޢާންމުކަމަށް ކުރިމަތިލައްވާފައިވަނީ ޙުސެއިން މުޙައްމަދު ދީދީ އެވެ. ޑެޕިއުޓީ އަމީން އާންމު ކަމަށް ކުރިމަތިލައްވާފައިވަނީ މުހައްމަދު ނިހާދު އާއި އިބްރާހީމް މުޢިއްޒުއެވެ.

ޗީފް ވިޕްލައިން ކަމަށް ކުރިމަތިލައްވާފައިވަނީ ޢަބްދުލް މުޣުނީ އާއި މުޙައްމަދު ރާޢީއެވެ.

ވިޕުންގެ 6 މަގާމަށް ކުރިމަތިލައްވާފައިވަނީ މުޙައްމަދު ރާޝިދު، ޙުސެއިން ޒިޔާދު، މުޙައްމަދު ޝިފާޢު، އަޙްމަދު ޚައިތަމް އަދި މޫސާ ސިރާޖެވެ.

އިންތިޚާބު އޮންނާނީ ހުކުރު ދުވަހުއެވެ. އިންތިޚާބު ބޭއްވުމަށް ހަމަޖެހިފައިވަނީ މެންދުރުފަހު 1:30ން ހަވީރު 5:30އަށެވެ.