ހއ. ދިއްދޫގެ ކޮވިޑް އެކްޓިވް ކޭހުގެ އަދަދުތައް މަތިވަމުންދާކަމަށް އެރަށުގައި ހުންނަ އަތޮޅު ހޮސްޕިޓަލުން ހާމަކޮށްފިއެވެ.

ދިއްދޫގައި ހުންނަ އެ އަތޮޅުގެ ހޮސްޕިޓަލުން މައުލޫމާތުދޭގޮތުގައި, އަންގާރަ ދުވަހުވެސް 75 މީހުންވަނީ ބައްޔަށް ޕޮޒިޓިވްވެފައެވެ. އެގޮތުން ޕޮޒިޓިވްވެފައިވަނީ ޑައިރެކްޓް ކޮންޓެކްޓުގެ ގޮތުގައި ހިމެނޭ 32 މީހަކާއި ފުރަބަންދުގައި ތިބި 4 މީހަކާއި 35 ފުލޫ ސާމްޕަލްގެ އިތުރުން 4 ރެންޑަމް ސާމްޕަލްއެވެ. މިހާތަނަށް މި ބައްޔަށް 547 މީހަކު ޕޮޒިޓިވްވެފައިވާއިރު, 443 މީހަކު ވަނީ ބަލިން ރަނގަޅުވެފައެވެ. އަދި މިވަގުތު އެކްޓިވް ކޭހުގެ އަދަދަކީ 103އެވެ.

ދިއްދޫގައި ހަލުވިކަމާއެކު ކޮވިޑް ފެތުރެމުންދާތީވެ ސިއްހީގޮތުން ބަލަންޖެހޭ ކަންކަން ބެލުމަށް، ހެލްތު ޕްރޮޓެކްޝަން އެޖެންސީގެ ފަރާތުން 20 ޖަނަވަރީ 2022ގައި ދިއްދޫ ވަނީ މޮނިޓަރިންގއަށް ލާފައެވެ.