ކޮވިޑް-19ގައި އިތުރު މީހަކު ނިޔާވެފައިވާކަމަށް ހެލްތު ޕްރޮޓެކްޝަން އެޖެންސީން ހާމަކޮށްފިއެވެ.

އެޗްޕީއޭއިން ބުނީ އައިޖީއެމްއެޗްގެ އީއާރްއަށް ގެނެވުނު އުމުރުން 79 އަހަރުގެ ދިވެހި ފިރިހެނަކު ނިޔާވެފައިވާ ކަމަށެވެ. އޭނާ ނިޔާވީ ބުދަ ދުވަހުގެ މެންދަމު 03:12 ހާއިރު ކަމަށް އެޗްޕީއޭއިން ބުނެފައިވެއެވެ.

މިއާއެކު ރާއްޖެއިން ކޮވިޑް ބަލީގައި ނިޔާވި މީހުންގެ ޖުމްލަ ވަނީ 264އަށް އަރާފައެވެ.

އެޗްޕީއޭއިން އެންމެ ފަހުން އާންމުކޮށްފައިވާ މައުލޫމާތުގައިވާގޮތުން، ފާއިތުވި 24 ގަޑިއިރު 102 މީހަކު ވަނީ ކޮވިޑަށް ޕޮޒިޓިވްވެފައެވެ. އެއީ މާލެ ސަރަހައްދުން 102 މީހުންނާއި، އަތޮޅުތެރެއިން 48 މީހުންނާއި އަދި ހިންގަމުންދާ ރިސޯޓުތަކުން 74 މީހުންނެވެ.

މިވަގުތު 2734 އެކްޓިވް ކޭސް ހިމެނޭއިރު، 13 މީހަކަށް ހޮސްޕިޓަލްގައި އެޑްމިޓް ކޮށްގެން ފަރުވާ ދެމުން ދާކަމަށް އެޗްޕީއޭއިން ބުނެއެވެ.