ކޮވިޑް-19 ބަލީގައި އިތުރު މީހަކު ނިޔާވެފައިވާކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެވްޕީއޭއިން ބުނީ ނިޔާވެފައިވަނީ ހުޅުމާލެ މެޑިކަލް ފެސިލިޓީގައި އެޑްމިޓުކޮށްގެން ފަރުވާދެމުންދިޔަ އުމުރުން 82 އަހަރުގެ ދިވެހި ފިރިހެނެއް ކަމަށެވެ. އެމީހާ ނިޔާވެފައިވަނީ ހުކުރު ދުވަހުގެ މެންދުރު 02:23 ގައި ކަމަށް އެޗްޕީއޭއިން ބުނެފައިވެއެވެ.
މިއާއެކު ކޮވިޑް ބަލީގައި ރާއްޖެއިން ނިޔާވި މީހުންގެ ޖުމްލަ ވަނީ 256 އަށް އަރާފައެވެ.
ފާއިތުވި 24 ގަޑިއިރުގެ ތެރޭގައި ރާއްޖެއިން 125 މީހަކު ކޮވިޑް-19 އަށް ޕޮޒިޓިވްވެފައިވެއެވެ. އެއީ މާލެ ސަރަހައްދުން 23 މީހުންނާއި، އަތޮޅުތެރޭގެ ރަށްރަށުން 93 މީހުންނާއި އަދި ހިންގަމުންދާ ރިސޯޓުތަކުން 7 މީހުންނެވެ.
މިވަގުތު 1861 އެކްޓިވް ކޭސް އޮތްއިރު، 16 މީހަކަށް އެޑްމިޓް ކޮށްގެން ގެންދަނީ ފަރުވާ ދެމުންނެވެ.
މިހާތަނަށް 92،754 މީހުން ޕޮޒިޓިވްވެފައިވާއިރު، 90،625 މީހުން ބަލިން ރަނގަޅުވެފައިވެއެވެ.
