ހޯމަ ދުވަހު އިތުރު 289 މީހަކު ވެކްސިން ޖަހާފައިވާކަމަށް ހެލްތް ޕްރޮޓެކްޝަން އެޖެންސީ (އެޗްޕިއޭ) އިން ހާމަކޮށްފިއެވެ.

އެޗްޕީއޭއިން ބުނީ ހޯމަ ދުވަހު ވެކްސިން ޖެހި މީހުންގެ ތެރެއިން ވެކްސިންގެ ފުރަތަަ ޑޯޒް ޖަހާފައިވަނީ 46 މީހެއް ކަމަށެވެ. އެއީ މާލެ ސަރަހައްގުން ވެކްސިންގެ ފުރަތަމަ ޑޯޒް ޖެހި 32 މީހުންނާއި، އަތޮޅުތަކުން ވެކްސިން ޖެހި 14 މީހުންނެވެ. މިއާއެކު މިހާތަނަށް ރާއްޖެއިން ފުރަތަމަ ޑޯޒް ޖެހި މީހުންގެ ޖުމްލަ ވަނީ 395،068 އަށް އަރާފައެވެ.

މީގެ އިތުރުން 243 މީހަކު ވަނީ ވެކްސިންގެ ދެވަނަ ޑޯޒް ފުރިހަމަކޮށްފައިވެއެވެ. މީގެ ތެރޭގައި ހިމެނެނީ މާލެ ސަރަހައްދުން ވެކްސިން ފުރިހަމަކުރި 184 މީހުންނެވެ. އަތޮޅުތެރެއިން 59 މީހަކު ވަނީ ވެކްސިން ފުރިހަމަކޮށްފައެވެ. މިއާއެކު ވެކްސިން ފުރިހަމަކުރި މީހުންގެ ޖުމްލަ ވަނީ 360،977 އަށް އަރާފައެވެ.

ރާއްޖޭގައި ވެކްސިން ޖެހުމުގެ ޕްރޮގްރާމު ކުރިއަށްދާއިރު, މާލެ ސަރަހައްދުގެ ވެކްސިނޭޝަން ސެންޓަރުތަކުން ވެކްސިން ޖަހައިދޭ ގަޑިތަކަށް ވަނީ ބަދަލުތައް ގެނެސްފައެވެ. އެޗްޕީއޭއިން ބުނީ ފައިޒަރ ވެކްސިން ޖެހުމަށް އެހުރިހާ ސެންޓަރުތަކުން އެޕޮއިންޓްމެންޓް ހައްދަން ޖެހޭ ކަމަށެވެ. އަދި އެސްޓްރަޒެނިކާ ވެކްސިން ޖެހުމަށް ހުޅުމާލެ ހޮސްޕިޓަލް ފިޔަވައި އެހެން ހުރިހާ ސެންޓަރުތަކުން ވެސް ވެކްސިން ޖެހުމަށް އެޕޮއިންޓްމެންޓް ހައްދަންޖެހޭ ކަމަށް އެޗްޕީއޭއިން ބުނެއެވެ.