އއ. އަތޮޅުގެ 7 ރަށަކަށް ކުރައްވާ ރަސްމީ ދަތުރުފުޅެއްގައި ބުދަ ދުވަހު ފުރާވަޑައިގަންނަވާ ގޮތަށް ހަމަޖެހިއްޖެއެވެ.

ރައީސް އޮފީހުގެ ތަރުޖަމާނު މަބްރޫކް ޢަޒީޒު ވިދާޅުވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އއ. އަތޮޅަށް މާދަމާ ފައްޓަވާ ދެ ދުވަހުގެ ދަތުރުފުޅެއްގައި ފުރާ ވަޑައިގަންނަވާނެ ކަމަށެވެ. މަބްރޫކް ވިދާޅުވީ ރައީސް ވަޑައިގަންނަވާނީ ތޮއްޑޫ، ރަސްދޫ، އުކުޅަސް، މަތިވެރި، ބޮޑުފޮޅުދޫ އަދި ހިމަންދޫއަށް ކަމަށެވެ.

ރައީސްގެ މި ދަތުރުފުޅުގައި އެ ރަށްރަށުގައި ހިންގަމުންދާ މަޝްރޫޢުތައް ބައްލަވާލައްވައި، ބައެއް މަޝްރޫޢުތަކުގެ ނިމުން ފާހަގަކުރައްވާނެ ކަމަށް މަބްރޫކް ވިދާޅުވިއެވެ.

ރައީސްގެ މިދަތުރުފުޅުގައި ރަށްރަށުގެ ކައުންސިލްތަކާއި ބައްދަލުކޮށް ތަރައްޤީގެ މަޝްރޫޢުތައް ހިނގާ ނުހިނގާ ގޮތް ބައްލަވާލައްވާނެއެވެ. މީގެ އިތުރުން މި ރަށްރަށުގެ އަންހެނުންގެ ތަރައްޤޛއަށް މަސައްކަތް ކުރާ ކޮމިޓީގެ މެންބަރުންނާ ބައްދަލުކުރެއްވުމުގެ އިތުރުން, ވިޔަފާރިވެރިންނާއި މަސްވެރިންނާއި އަދި ދަނޑުވެރިންނާ ބައްދަލުކުރައްވާނެއެވެ. ރައީސްގެ ދަތުރުފުޅުގެ ތެރެއިން މި ރަށްރަށުގެ އެމްޑީޕީގެ އާންމު މެމްބަރުން ރައީސްއާ ބައްދަލުކުރެއްވުމަށް އެދިފައިވާތީ އެމްޑީޕީގެ އާންމު މެމްބަރުންނާވެސް ރައީސް ބައްދަލުކުރެއްވުމަށް ވަނީ ހަމަޖެހިފައެވެ.

ރައީސްގެ މިދަތުރުފުޅު ނިންމަވާލެއްވުމަށްފަހު މާލެ ވަޑައިގަތުމަށް ހަމަޖެހިފައިވަނީ އޮކްޓޯބަރު 20ވާ ބުރާސްފަތި ދުވަހުއެވެ.