ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުގެ ކޮއްކޯފުޅު އަލްހާފިޒް އަހުމަދު މުހައްމަދު ސާލިހު އަވަހާރަވެއްޖެއެވެ.
ރާއްޖެ އެމްވީއަށް މައުލޫމާތު ލިބިފައިވާގޮތުގައި އަލްހާފިޒް އަހުމަދު މުހައްމަދު ސާލިހު އަވަހާރަވީ ކުއްލިގޮތަކަށް ހާޓް އެޓޭކެއް ޖެހިގެން ފަރުވާދެމުން ގެންދަނިކޮށެވެ. އަވަހާރަވީ ޔުނައިޓެޑް އަރަބް އެމިރޭޓްސްގެ ދުބާއީގައި ހުންނަވަނިކޮށެވެ. އުމުރުފުޅަކީ 57 އަހަރެވެ.
އަލްހާފިޒް އަހުމަދު މުހައްމަދު ސާލިހު ނުވަތަ އާއްމު ނަމުން ނަމަ އަހުމަދުބެ އަކީ ރައީސް ސާލިހުގެ ހަގަށް އެ އާއިލާގައި ތިއްބެވި 8 ބޭފުޅުންގެ ތެރެއިން ބޭފުޅެކެވެ. އެއީ ލޯފަން ބޭފުޅެކެވެ. ރައީސް ސާލިހުގެ އާއިލާގައި އެއްބަނޑު އެއްބަފާ 12 ބޭފުޅުން ތިއްބަވައެވެ. މައުލޫމާތު ލިބިފައިވާ ގޮތުގައި އަހުމަދުބެ އަވަހާރަވީ ކެންސަރުގެ އާލާސްކަންފުޅަކަށް ފަރުވާ ހޯއްދަވަމުން ގެންދަވަނިކޮށެވެ.
