އަންގާރަ 20 އޮކްޓޯބަރ 2020
03 ހެއި
1442 ރަބީއުލް އައްވަލް 03
ފަތިސް 04:37
އިރުއަރާ 05:49
މެންދުރު 11:55
އަސްރު 15:10
އިރުއޮއްސޭ 17:53
އިޝާ 19:05
ހައްޖު 1438

ގެފުޅުގެ އައު އުރަކޮޅު ގެފުޅު ބަލަހައްޓާ އިސްފަރާތްތަކާ ހަވާލު ކޮށްފި

  • އުރަކޮޅު ތައްޔާރު ކުރުމަށް 650 ކިލޯ ގްރާމްގެ ގުދުރަތީ ފަށުވި ބޭނުން ކުރޭ

ކ. މާލެ | 25 އޯގަސްޓް 2017 | ހުކުރު 23:57 | 4,759

ގެފުޅުގެ އައު އުރަކޮޅު މައްކާގެ އަމީރު ގެފުޅު ބެލެހެއްޓުމުގެ ކަންތަކާ ހަވާލުވެ ހުންނަ އިސް ފަރާތާ ހަވާލު ކުރެއްވި ރަސްމިއްޔާރުގެ ތެރެއިން - އެސްޕީއޭ

ގެފުޅުގެ އައު އުރަކޮޅު ކައުބާ ބަލަހައްޓާ އިސް އޮފިޝަލުންނާ ހަވާލު ކޮށްފިއެވެ. ކިސްވާގެ ނަމުން ނަން ދެވިފައިވާ ގެފުޅުގެ އުރަކޮޅު ހަވާލު ކޮށްދެއްވީ މައްކާގެ އަމީރެވެ.

މި ރަސްމިއްޔާތު އޮތީ މިދިޔަ ބުދަ ދުވަހުއެވެ.

އައު އުރަކޮޅު ގެފުޅުގައި އަޅުވާނީ އަރަފާތު ދުވަހުއެވެ.

ގެފުޅުގެ އުރަކޮޅަކީ އެކަމަށް ޚާއްސަ ފެކްޓަރީ އެއްގައި ތައްޔާރު ކުރެވޭ ވަރަށް ބޮޑަށް ޒީނަތްތެރިކޮށް ރީތި ލިޔުންތައް ހިމެނޭ އަދި އިސްލާމީ ފަންނުވެރިކަން ވަރަށް ފުރިހަމަ އަށް ދައްކުވައިދޭ ގޮތައް ތައްޔާރު ކުރެވިފައި އޮންނަ އުރަކޮޅެކެވެ.

އުރަކޮޅުގެ ދިގު މިނުގައި ހުންނަނީ 14 މީޓަރެވެ. އެއީ ކައުބާގެ އުސްމިނަށް ފެތޭ ގޮތައް ހުންނަ މިނެވެ. އުރަކޮޅުގެ ފުޅާ މިނުގައި ހުންނަނީ 47 މީޓަރެވެ. 47 މީޓަރުގެ ފުޅާ މިނަކީ ކައުބާގެ ހަތަރު ފަރާތް ވަށާ ޖެހޭ ފުޅާ މިނެވެ.

އުރަކޮޅުގެ މަތީބައިގައި ރަނުން ގިރިޓީ ކޮށްފައިވާ ރިހި ރޮދިން ލިޔެ ފަވާފައި އިންނަ ލިޔުމެއް އިނދެއެވެ. އެއީ 95 ސެންޓިމީޓަރު ފުޅާ ބައެކެވެ. މި ލޔުން ކޮޅުގައިވަނީ ކީރިތި ގުރުއާންގެ ބައެއް އާޔަތް ތަކެވެ. މި ލިތުންކޮޅު ހުންނަ ބައިގެ ބަރުދަނުގައި 120 ކިލޯ ހުރެއެވެ. ގެފުޅުގެ އުރަކޮޅު ތައްޔާރު ކުރުމަށް 650 ކިލޯ ގްރާމްގެ ގުދުރަތީ ފަށުވި ބޭނުން ކުރެއެވެ. އުރަކޮޅު ތައްޔާރު ކުރަނީ 5 ގަނޑު ފޮއްޗަށެވެ.

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: ދެލިކޮޕީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.