08:26
ރަޝިޔާއިން ޔޫކްރެއިންއަށް އަރައި ކުރަމުންދާ ހަނގުރާމަ ނިމުމަކަށް ގެނައުމަށް ފަށާފައިވާ ސުލްހައިގެ މަޝްވަރާގެ ހަތަރުވަނަ ބައްދަލުވުން ހޯމަ ދުވަހު ބާއްވާ ގޮތަށް ނިންމައިފިއެވެ.
މަޝްވަރާގެ ހަތަރުވަނަ ބައްދަލުވުން ހޯމަ ދުވަހު ބާއްވާނެކަން ހާމަކޮށްފައިވަނީ ޔޫކްރެއިންގެ ރައީސްގެ އެޑްވައިޒަރު މައިޚައިލޯ ޕޮޑޮލިއަކްއެވެ.
14 މާރޗް 2022 | ހޯމަ 08:26
22:52
ނޭޓޯގެ މެމްބަރު ގައުމެއް ކަމަށްވާ ޕޮލޭންޑަށް ރަޝިޔާއިން ހަމަލާއެއް ދީފިނަމަ ނޭޓޯއިން ރައްދު ދޭނެ ކަމުގެ އިންޒާރު އެމެރިކާގެ ނޭޝަނަލް ސެކިއުރިޓީ އެޑްވައިޒަރ ޖޭކް ސުލިވަން ދެއްވައިފިއެވެ.
އެމެރިކާއިން މިކަމުގެ އިންޒާރު ދީފައިިވަނީ ޕޮލޭންޑުގެ ބޯޑަރު ކައިރީގައި ހުރި ޔޫކްރެއިންގެ މިލިޓަރީ ބޭސްއަކަށް ރަޝިޔާއިން ދިން ހަމަލާއަކާ ގުޅިގެންނެވެ.
13 މާރޗް 2022 | އާދީއްތަ 22:52
22:34
ޔޫކްރެއިންގެ ރައީސް ޒެލެންސްކީ، އެގައުމުގެ ސިފައިން ވީ ގުރުބާނީގެ އަގު ވަޒަން ކުރައްވައިފި
ރަޝިޔާއާ ޔޫކްރެއިނާ ދެމެދު ހިނގަމުންދާ ހަނގުރާމައިގައި އަނިޔާވި ޔޫކްރެއިންގެ ސިފައިން އެޑްމިޓުކޮށްފައި ތިބި ހޮސްޕިޓަލަށް އެގައުމުގެ ރައީސް ވޮލޮޑިމިރް ޒެލެންސްކީ ހިންގަވާފައި ވަޑައިގެން އެ ސިފައިން ވީ ގުރުބާނީގެ އަގު ވަޒަން ކުރައްވައިފިއެވެ.
13 މާރޗް 2022 | އާދީއްތަ 22:34
19:41
ރަޝިޔާ ޔޫކްރެއިން ހަނގުރަމައިގައި އެމެރިކާގެ ނޫސްވެރިއަކު މަރުވެއްޖެއެވެ.
އޭނާ މަރުވެފައިވަނީ، ޔޫކްރެއިންގެ އާރޕިން ސިޓީގައި ކަމަށްވަނީ ރިޕޯޓް ކޮށްފައެވެ. މަރުވެފައިވަނީ ދަ ނިއުޔޯރކް ޓައިމްސްގައި މަސައްކަތްކުރާ އުމުުރުން 50 އަހަރުގެ ބްރެންޓް ރެނޯޑްއެވެ. އޭނާއަކީ ޑޮކިއުމެންޓްރީ ވީޑިއޯގްރާފަރެކެވެ.
ރަޝިޔާގެ ފައުޖުތަކުން މަސައްކަތް ކުރަމުން އަންނަނީ އަރޕިން އަދި ބުޗާ ހިފުމަށްފަހު ދެ ސިޓީ ބޭނުންކޮށްގެން މައި ސިޓީ ކީވްއަށް ހަމަލަ ދިނުމަށް ކަމަށް އެތަކުގައި ހަރަކާތްތެރިވަ އަލްޖަޒީރާގެ ރިޕޯޓަރ އިމްރާން ޚާންއާ ހަވާލާދީ އަލްްޖަޒީރާގައިވަނީ ރިޕޯޓް ކޮށްފައެވެ.
13 މާރޗް 2022 | އާދީއްތަ 19:41
19:28
ހަމަލާތަކުގައި ޔޫކްރެއިނާ ދެކޮޅަށް ރަޝިޔާއިން މަނާ ކޮށްފައިވާ ކެމިކަލެއް ބޭނުންކުރާ ކަމުގެ ތުހުމަތުކޮށްފިއެވެ. ޔޫކްރެއިންގެ ހިއުމަން ރައިޓްސް އޮމްބަޑްސްވުމަން ބުނީ ޕޮސްޕަރަސް އެކުލެވޭ މަނާ ކެމިކަލެއް ރަޝިޔާއިން ބޭނުން ކުރަމުން އަންނަ ކަމަށެވެ. ޔޫކްރެއިންގެ ސިޓީއެއް ކަމަށްވާ ޕޮޕަސްނާ އަށް ދިން ހަމަލާތަކުގައި މި ކެމިކަލް ބޭނުން ކޮށްފައިވާ ކަމަށް އޭނާ ވަނީ ބުނެފައެވެ.
13 މާރޗް 2022 | އާދީއްތަ 19:28
19:21
ޔޫކްރެއިންގެ ރެފިއުޖީން ގޮވައިގެން ދަތުރުކުރި ބަހެއް އިޓަލީގައި ފުރޮޅާލައި އެކަކު މަރުވެއްޖެއެވެ. ބަހުގައި 50 ރެފިއުޖީން ތިބިކަމަށް ވަނީ ރިޕޯޓް ކޮށްފައެވެ. ބަސް ދަތުރުކުރަމުން ދިޔައީ އިޓަލީގެ އުތުރުގައި އޮންނަ މައި ހައިވޭއިންނެވެ.
ބަހުން ދަތުރުކުރި 5 މީހަކަަށް އެކިވަރުގެ އަނިިޔާތައް ލިބުނު ނަމަވެސް ހާލު ސީރިއަސްއެއް ނޫނެވެ. ބަހުން ދަތުރުކުރި މީހުން މިހާރުވަނީ، ސަލާމަތުން ބަހުން ބޭރަށް ނެރެފައެވެ. ހަނގުރާމަ ފެށުނު ފަހުން 35،000ހާ ޔޫކްރެއިންގެ ރެފިއުޖީންވަނީ އިޓަލީއަށް އެތެރެވެފައެވެ.
13 މާރޗް 2022 | އާދީއްތަ 19:21
16:22
ޔޫކްރެއިންގެ މިލިޓަރީ ބޭސްއަށް ރަޝިޔާއިން ދިން ހަމަލާގައި 35ށްވުރެ ގިނަ މީހުން މަރުވެއްޖެއެވެ.
ވައިގެ މަގުން ދިން މި ހަމަލާގައި 134 މީހުންނަށް އެކި ވަރުގެ އަނިޔާ ލިބިފައިވާ ކަމަށްވެސް ގަވަރްނަރާ ހަވާލާދީ ވަނީ ރިޕޯޓް ކޮށްފައެވެ.
13 މާރޗް 2022 | އާދީއްތަ 16:22
03:34
އެމެރިކާގެ ޓްރެޝަރީ ޑިޕާޓްމެންޓުން ރަޝިޔާގެ އިތުރު ބަޔަކަށް ދަތިކުރުމުގެ ފިޔަވަޅުތައް އަޅައިފިއެވެ.
އޭގެތެރޭގައި ރަޝިޔާގެ ރައީސް ވްލަޑްމިއަރ ޕުޓިންގެ އާއިލީ ތިން މެމްބަރުންނާއި ޕުޓިންގެ ސްޕޯކްސްމަންވެސް ހިމެނެއެވެ.
13 މާރޗް 2022 | އާދީއްތަ 03:34
23:22
ރަޝިޔާގެ ބާރުގެ ދަށަށް ކީވް ގެންދެވޭނީ އެސިޓީ އެއްކޮށް ބިމާ ހަމަކުރުމަށްފަހު ކަމަށް ޔޫކްރެއިންގެ ރައީސް ވޮލޮޑިމިއަރ ޒެލެންސްކީ ވިދާޅުވެއްޖެއެވެ.
ރަޝިޔާއިން-ޔޫކްރެއިންއަށް އަރައި ހިންގަމުންދާ ހަނގުރާމަގެ ސަބަބުން މިހާރު ވެސް ވަނީ ބޮޑެތި ގެއްލުންތަކެއް ޔޫކްރެއިންއަށް ލިބިފައެވެ. އަދި މިހާރު ރަޝިޔާގެ އަސްކަރިއްޔާއިން މަސައްކަތް ކުރަމުންދަނީ ކީވް ހިފުމަށްށެވެ. މިކަމާއި ގުޅޭގޮތުން ޒެލެންސްކީ ވިދާޅުވީ ޔޫކްރެއިންގެ މިލިޓަރީން ވެސް ފަހަތަށް ނުޖެހޭނެ ކަމަށާއި، ކީވް ރަޝިޔާގެ ބާރުގެ ދަށަށް ގެންދެވޭނީ އެއްކޮށް ސުންނާފަތިކޮށް ބިމާ ހަމަ ކުރުމަށްފަހު ކަމަށެވެ.
12 މާރޗް 2022 | ހޮނިހިރު 23:22
22:46
ޔޫކްރެއިންގެ ޚާރަސަން ސަރަހައްދުން ރަޝިޔާގެ 2 ހެލިކޮޕްޓަރެއް ވައްޓާލައިފިއެވެ. މީޑިއާތަކުން ބުނެފައިވަނީ ވެއްޓުނު 2 ހެލިކޮޕްޓަރުގެ ތެރެއިން 1 ހެލިކޮޕްޓަރުގައި ދުއްވަން އިން ޕައިލަޓް ސަލާމަތްވި ކަމަށާއި، އޭނާ ހޮސްޕިޓަލަށް ފަރުވާއަށް ގެންދެވިފައިވާ ކަމަށެވެ.
12 މާރޗް 2022 | ހޮނިހިރު 22:46
18:55
ވެގްނަރ މަރސިނަރީސް ނުވަތަ އެ ގްރޫޕަކީ މިލިޓަރީ ކުންފުންޏެވެ. އެމީހުން ކުރާ މަސައްކަތަކީ ރަޝިޔާއިން ކުރާ ހަނގުރާމަތަކާއި އަސްކަރީ އޮޕަރޭޝަންތަކުގައި އެކި ކަހަލަ ސިއްރު މައުލޫމާތާއި އެކިއެކި މައުލޫމާތު ފޯރުކޮށްދިނުމެވެ. މަރސިނަރީސްއަކީ ފައިސާ ދީގެން ހަނގުރާމަތަކުގައި އެމީހުންގެ އަމިއްލަ ގައުމުން އެހެން ގައުމުތަކުގައި ކުރާ ހަނގުރާމަތަކުގެ ތެރެއަށް ވަދެ އެމީހުންނާ ހަވާލު ކުރެވިފައިވާ ވަކި ކަންތަކެއް ހާސިލް ކުރާ ނުވަތަ އެމީހުންގެ އަމިއްލަ ކަންކަން ހާސިލް ކުރާ ބައެކެވެ.
ފިނި ހަނގުރާމައިގެ ފަހުން ވެގްނަރ ގްރޫޕުގެ އިތުރުން އެފަދަ އިތުރު ގްރޫޕުތަކުން, އަދި ފްރީލާންސް އޮފިސަރުންނަކީ ބޭނުންތެރި އަދި އެމީހުންނަކީ އަގުހެޔޮކޮށް މަސައްކަތް ކުރާ އަދި ކުރާ މަސައްކަތުގެ ސަބަބުން އެއްވެސް ފިޔަވަޅެއް ނޭޅޭ ބަޔެކެވެ.
ޔޫކްރެއިނުން ވަކިވެގެން މިނިވަންކަން އިއުލާންކޮށްފައިވާ ލުހާންސްކް އަދި ޑޮނެސްޓްކް ފެބްރުއަރީ މަހުގެ 24 ވަނަ ދުވަހު ރަޝިޔާއިން ބަލައިގެންފައިވާއިރު، އެތަނުގައި ހަމަނުޖެހުން އުފައްދާ މީހުންނަށް ކޮމާންޑްކޮށް އެތަނުގައި ވެގްނަރ ގްރޫޕުން ބާރު ހިންގަމުން އަންނަކަމަށް ޒެލެންސްކީ ވަނީ ތުހުމަތު ކުރައްވާފައެވެ. ނަމަވެސް ރަޝިޔާއިން ވަނީ ވެގްނަރ ގްރޫޕާ ގުޅުން އޮތްކަމަށް ދެކެވޭ ވާހަކަ ދޮގުކޮށްފައެވެ.
12 މާރޗް 2022 | ހޮނިހިރު 18:55
01:30
ޔޫޓިޔުބުން މުޅި ދުނިޔޭގައި ރަޝިޔާގެ ސަރުކާރުން ފަންޑުކުރާ ޗެނަލްތައް ބްލޮކް ކޮށްފިއެވެ.
ޔޫޓިޔުބުން ނެރުނު ބަޔާނެއްގައި ބުނެފައިވަނީ ރަޝިޔާ ސަރުކާރުން ފަންޑުކުރާ ހުރިހާ ޗެނަލުތައް މިހާރުން މިހާރަށް ބްލޮކް ކޮށްފައިވާކަމަށެވެ.
12 މާރޗް 2022 | ހޮނިހިރު 01:30
22:15
ރަޝިޔާގެ އަސްކަރިއްޔާގެ ކޮމާންޑަރަކު މަރާލާފައިވާ ކަމަށް ޔޫކްރޭންގެ ސަރުކާރުން އިއުލާން ކޮށްފިއެވެ.
މަރާލާފައި ވަނީ ރަޝިޔާގެ އިރުމަތީ އަސްކަރީ ޑިސްޓްރިކްޓްގެ 29 ވަނަ އަސްކަރިއްޔާގެ ކޮމާންޑަރު މޭޖަރ ޖެނެރަލް އަންދްރޭ ކޮލެސްނިކޯވް ކަމަށް ވަނީ އިއުލާން ކޮށްފައެވެ. އެއީ އުފާވެރިކަމެއް ކަމަށް ވަނީ ސިފަކޮށްފައެވެ.
11 މާރޗް 2022 | ހުކުރު 22:15
22:11
22:00
ރަޝިޔާގައި އިންސްޓަގްރާމް ބްލޮކް ކުރުމަށް ނިންމާފައިވާކަން އެގައުމުން ހާމަ ކޮށްފިއެވެ.
ރަޝިޔާއިން އިންސްޓަގްރާމް ބޮލޮކު ކުުރުމަށް ނިންމާފައިވަނީ، ފޭސްބުކްއާއި އިންސްޓަރގްރާމް ހިންގަމުންދާ މެޓަ ކުންފުނިން، ރަޝިޔާގެ ރައީސް ލަޑްމިއަރ ޕުޓިންއާއި އެގައުމުގެ ސިފައިންނާމެދު ނަފްރަތުގެ މެސެޖްތައް ޕޯސްޓް ކުރުން ހުއްދަ ކޮށްފައިވާކަމަށް ނޫސްތަކުން ރިޕޯޓް ކޮށްފައިވަނިކޮށެވެ.
ރަޝިޔާގެ މީޑިއާ ރެގިއުލޭޓަރއިން ބުނެފައިވަނީ، ރަޝިޔާގެ ސިފައިންނާ ދެކޮޅަށް ހަމަނުޖެހުން އުފެއްދުމަށް ގޮވާލާ ކޮންޓެންޓް އިންޓަގްރާމުން މިހާރު ފަތުރަމުން ދާކަމުގައެވެ.
ރޮއިޓާރސްއިން ބުރާސްފަތި ދުވަހު ބުނެފައިވަނީ، ޔޫކުރެއިންގައި ހިގަމުންދާ ހަގުރާމައާއި ގުޅިގެން، ފޭސްބުކު އަދި އިންސްޓަގްރާމް ޕްލެޓްފޯމު ބޭނުންކޮށްގެން، ނަފްރަތު އުފެދޭ ޒާތުގެ ބައެއް ވާހަކަތައް ދެއްކުން ހުއްދަ ކުރުމަށް މި ދެ ޕްލެޓްފޯމު ހިންގަމުންދާ މެޓަ ކުންފުނިން ނިންމާފައިވާ ކަމަށެވެ. ރޮއިޓާރސްއިން ހަވާލާ ދީފައިވަނީ މެޓަ ކުންފުނީގެ އެތެރޭގެ އީމެއިލަކަށެވެ.
މެޓަ ކުންފުނިން، އެ ކުންފުނީގެ ބައެއް ގަވާއިދުތަކަށް ބަދަލު ގެނެސް، ދުނިޔޭގެ ގިނަ ގައުމުތަކެއްގައި، އެ ޕްލެޓްފޯމުތައް ބޭނުންކޮށް ދެކެވޭ ނަފްރަތު އުފެދޭ ޒާތުގެ ބައެއް ވާހަކަތަ ވަގުތީ ގޮތުން ހުއްދަ ކޮށްފައިވާ ކަމަށެވެެ. މި ބަދަލު ގެނެސްފައިވަނީ ރަޝިޔާ ޔޫކުރެއިން ހަނގުރާމައާ ގުޅިގެންނެވެ.
11 މާރޗް 2022 | ހުކުރު 22:00
08:38
ރަޝިޔާގެ ތެލަށް ބަރޯސާނުވުމަށް ޔޫރަޕިއަން ކޮމިޝަނުން ގޮވާލައިފިއެވެ.
ޔޫރަޕިއަން ކޮމިޝަންގެ ރައީސް އުރްސުލާ ވން ޑަރް ލެޔެން ވިދާޅުވީ ރަޝިޔާގެ ތެލަށް ބަރޯނުވެ ޔޫރަޕްގެ ގައުމުތަކުން އިޔާދަކުރަނިވި ހަކަތަ ބޭނުން ކުރަން ޖެހޭ ކަމަށެވެ. އަދި މިހާރު ކުރިމަތިވެފައިވަނީ އެފަދަ ހާލަތެއް ކަމަށް އޭނާ ވިދާޅުވިއެވެ.
ރަޝިޔާއިން ޔޫކްރެއިންއަށް އަރައި ހިންގަމުންދާ ހަނގުރާމައާ ގުޅިގެން ތެލުގެ އަގަށް އަންނަނީ ބޮޑެތި ބަދަލުތަކެއް އަންނަމުންނެވެ. އެގޮތުން ފާއިތުވި ހަފްތާގެ ތެރޭގައި ތެލުގެ އަގު ވަރަށް ބޮޑަށް މަތިވެގެން ގޮސްފައިވެއެވެ.
11 މާރޗް 2022 | ހުކުރު 08:38
08:33
އެމެރިކާގެ ސެނެޓުން ޔޫކްރެއިންއަށް 13.6 ބިލިއަން ޑޮލަރުގެ އެހީ ދިނުމަށް ނިންމައިފިއެވެ.
މިއެހީ ދިނުމަށް ސެނެޓުން ފާސްކޮށްފައިވަނީ ބުރާސްފަތި ދުވަހެއެވެ.
ރަޝިޔާއިން-ޔޫކްރެއިންއަށް އަރައި ހިންގަމުންދާ ހަނގުރާމައިގެ ސަބަބުން އެތައް މިލިއަން ރައްޔިތުން ގައުމުދޫކޮށް ދާން ޖެހިފައިވާ ކަމަށް ރިޕޯޓުތަކުން ބުނެއެވެ. އަދި ވަރަށް ބޮޑަށް އިންސާނީ ކާރިސާއަކާ ކުރިމަތިލާން ޖެހިދާނެކަމުގެ ބިރު ހީވެފައިވާ ކަމަށެވެ.
11 މާރޗް 2022 | ހުކުރު 08:33
06:57
ކޮންމެ 30 މިނިޓަކުން މަރިއަޕޮލަށް ހަމަލާއެއް އަންނަ ކަމަށް އެ ސިޓީގެ މޭޔަރ ވޭޑަމް ބޯޗެންކޯ ވިދާޅުވެއްޖެއެވެ.
ހަތަރު ލައްކައެއްހާ މީހުން ޕޯރޓް ސަރަހައްދުގައި ތިބިއިރު ކޮންމެ 30 މިނިޓަކުން ރަޝިޔާގެ ވައިގެ ހަމަލާތައް އަންނަ ކަމަށް ވިދާޅުވިއެވެ. ފާއިތުވެ މި ދިޔައީ އުނދަގޫ ދެ ދުވަސް ކަމަށާއި، އެތަނުގައި ކުޑަކުދިންނާއި މުސްކުޅިންވެސް އެބަތިބި ކަމަށް ވިދާޅުވިއެވެ. އޭނާ ވިދާޅުވީ ރަޝިޔާއިން މަސައްކަތް ކުރަނީ ޔޫކްރެއިން ރައްޔިތުން ނަންތާލާށެވެ.
11 މާރޗް 2022 | ހުކުރު 06:57
06:48
ޔޫކްރެއިންގެ 5 ސިޓީއަކަށް އިންސާނީ އެހީ ފޯރުކޮށްދިނުމަށް ވަގުތު ކޮޅަކަށް ހަމަލާތައް ހުއްޓާލަން ރަޝިޔާއިން ނިންމައިފި
ޔޫކްރެއިންގެ 5 ސިޓީއަކަށް އިންސާނީ އެހީ ފޯރުކޮށްދިނުމަށް ހުކުރު ދުވަހު ކުޑަ ވަގުތު ކޮޅަކަށް ހަމަލާތައް ހުއްޓާލަން ރަޝިޔާއިން ނިންމައިފިއެވެ.
މިއީ އިންސާނީ އެހީތެރިކަމާއި، އެ ފަސް ސިޓީ ދޫކޮށް އެހެން ސިޓީތަކަށް ދާން ބޭނުންވާ އާންމު ރަައްޔިތުންނަށް އެ ފުރުސަތު ދިނުމަށް ކަމަށް ރަޝިޔާގެ ޑިފެންސް މިނިސްޓްރީން ބުނެއެވެ. ރަޝިޔާގެ ގަޑިން ހުކުރު ދުވަހު ހެދުނ 10:00ން ފެށިގެން އެ ފަސް ސިޓީއަށް ހަމަލާ ދިނުން ހުއްޓާލާނެ ކަމަށްވަނީ ބުނެފައެވެ.
ހަމަލާ ދިނުން މެދުކަނޑާލާ ސިޓީ ތަކަކީ ކިއެވް، ސުމީ، ކަރްކިވް، މަރިއަޕޮލް އަދި ޗާރްނިވް އެވެ. މިިހަތަނަށް މަރިއަޕޮލް އިން އެއްވެސް އާންމު ރައްޔިތަކަށް ބޭރަށް ނުދެވެއެވެ.
11 މާރޗް 2022 | ހުކުރު 06:48
06:39
ރަޝިޔާ ޔޫކްރެއިން ހަނގުރާމަ ފެށުނު ފަހުން ޔޫކްރެއިންގެ 280ށްވުރެ ގިނަ ސްކޫލަކަށް ރަޝިޔާއިން ހަމަލާ ދީފައިވާ ކަމަށް ޔޫކްރެއިންގެ އެޑިއުކޭޝަން މިނިސްޓަރ ވިދާޅުވެއްޖެއެވެ.
މީގެ ތެރޭގައި ކިންޑަރގާޓެން ސްކޫލްތަކާއި، ކޮލެޖް، އަދި ޔުނިވަރސިޓީތައްވެސް ހިމެނޭ ކަމަށް އޭނާ ވިދާޅުވިއެވެ. އަދި އެންމެ ދެރަވަނީ އެތައް ފުރާނައެއް ގެއްލިގެން ދާތީ ކަމަށް ވިދާޅުވިއެވެ.
11 މާރޗް 2022 | ހުކުރު 06:39
04:25
ދެ ދުވަސްތެރޭގައި އެއް ލައްކައަށްވުރެ ގިނަ މީހުން ޔޫކްރެއިންގެ ސިޓީތައްް ދޫކޮށް ގޮސްފި - ޒެލެންސްކީ
ދެ ދުވަސްތެރޭގައި އެއް ލައްކައަށްވުރެ ގިނަ މީހުން ޔޫކްރެއިންގެ ސިޓީތައްް ދޫކޮށް ގޮސްފައިވާ ކަމަށް އެ ގައުމުގެ ރައީސް ވޮލޮޑްމިއަރ ޒެލެންސްކީ ވިދާޅުވެއްޖެއެވެ.
ޒެލެންސްކީވަނީ މަރިޕޯލްއަށް އިންސާނީ އެހީ ފޯރުކޮށްދޭ ދޮރުތައް މޮސްކޯއިން ބަންދުކުރާ ކަމަށް ތުހުމަތު ކުރައްވާފައެވެ. އަދި އެ ސިޓީއަށް ކާބޯތަކެތި ފޯރުކޮށްދިނުމަށް ހުރި ދޮރުތައްވެސް ބަންދު ކޮށްފައިވާ ކަމަށެވެ.
ޔޫކްރެއިންގެ ޑެޕިއުޓީ ޕްރައިމް މިނިސްޓަރ ވިދާޅުވީ، މަރިޕޯލްގައި ތިބި އާންމު ރައްޔިތުން އެތަން ދޫކޮށް ދިޔުމަށްޓަކައި ހަމަލާތައް ހުއްޓާލުމަށްވެސް ރޝިޔާގެ ފައުޖުތަކުން ބޭނުން ނުވާ ކަމަށެވެ.
11 މާރޗް 2022 | ހުކުރު 04:25
04:05
ފޭސްބުކާއި އިންސްޓަގްރާމްގައި ރަޝިިޔާއާ ދެކޮޅަށްކުރާ ޕޯސްޓުތައް ނުހުއްޓުވަން ނިންމައިފި
ފޭސްބުކާއި އިންސްޓަގްރާމްގައި ރަޝިިޔާއާ ދެކޮޅަށްކުރާ ޕޯސްޓުތައް ނުހުއްޓުވަން މެޓާއިން ނިންމައިފިއެވެ.
މެޓާއިން އަންނަނީ ގައުމުތަކާއި ދެކޮޅަށް ކުރާ ޕޯސްޓްތަކާއި، އަނިޔާވެރި ކަމަށް ގޮވާލާ ޕޯސްޓްތައް، އެ ކުންފުނީގެ "ހޭޓް ސްޕީޗް" ޕޮލިސީގެ ދަށުން ހުއްޓުވަމުންނެވެ. ކުންފުނީގެ އެތެރޭގެ އީމމެއިލަކަ ހަވަލާދީ ރޮއިޓަރސްގައި ރިޕޯޓްކޮށްފައިވާ ގޮތުން ކުންފުނިން ވަނީ، ރަޝިޔާގެ ފައުޖުތަކާ ދެކޮޅަށްކުރާ މިފަދަ ޕޯސްޓުތައް ނުހުއްޓުވަން ވަގުތީ ގޮތުން ނިންމާފައެވެ.
މިކަމާ ގުޅޭގޮތުން މެޓާ އިން އަދި ވަކި އެއްޗެއްް ހާމައެއް ނުކުރެއެވެ.
11 މާރޗް 2022 | ހުކުރު 04:05
03:53
ރަޝިޔާއިން ކަރްކިވްގައި ހުންނަ ފިޒިކްސް އެންޑް ޓެކްނޮލޮޖީ އިންސްޓިޓިއުޓަށް ހަމަލާ ދީފި
ރަޝިޔާއިން ކަރްކިވްގައި ހުންނަ ފިޒިކްސް އެންޑް ޓެކްނޮލޮޖީ އިންސްޓިޓިއުޓަށް ހަމަލާ ދީފިއެވެ.
މި ހަމަލާގައި އެތަނުގެ ކައިރީގައި ހުންނަ ހޮސްޓެލްއެއްގައިވަނީ އަލިފާން ރޯވެފައެވެ. ހުއްޓުމެއްނެތި ހަމަލާ ބަދަލު ކުރަމުން އަންނަ ކަމަށް ޔޫކްރެއިންގެ ނޫސްތަކުން ރިޕޯޓު ކުރެއެވެ.
11 މާރޗް 2022 | ހުކުރު 03:53
03:44
އަވަށްޓެރި ގައުމުތަކުން ޔޫކްރެއިންގެ ރެފިއުޖީންނަށް މަރުހަބާ ކިޔުމުން ޔޫއެސް އެއިޑުން އެކަމަށް ތައުރީފް ކޮށްފި
އަވަށްޓެރި ގައުމުތަކުން ޔޫކްރެއިންގެ ރެފިއުޖީންނަށް މަރުހަބާ ކިޔުމުން ޔޫއެސް އެއިޑުން އެކަމަށް ތައުރީފް ކޮށްފިއެވެ.
ޔޫއެސްއެއިޑުން ބުނީ ޔޫކްރެއިންގެ 2 މިލިއަނެއްހާ ރެފިއުޖީންނަށް އަވަށްޓެރި ގައުމުތަކުން މަރުހަބާ ކިޔައި ދެއްި އެއްބައިވަންތަ ކަމަށް ތައުރީފުކުރާ ކަމަށެވެ.
މޮލްޑޯވާ، ސްލޮވާކިޔާ، ރޮމޭނިއާ، ޕޮލެންޑް އަދި ހަންގޭރީ ފަދަ ގައުމުތަކުން ރަޝިޔާގެ ރައީސް ހައިރާންކޮށްފި ކަމަށް ޔޫއެސް އެއިޑުން ވަނީ ބުނެފައެވެ.
11 މާރޗް 2022 | ހުކުރު 03:44
03:38
ޔޫކްރެއިނަށް ދޭ އިންސަނީ އެހީ އެހީ އިތުރުކުރަމުން އަންނަ ކަމަށް އދން ބުނެފިއެވެ. އދގެ ތަރުޖަމާނު ވިދާޅުވީ، އިންސާނީ އެހީތެރިކަން ފޯރުކޮށްދިނުމަށް ބޭނުންވާ ސާމާނާއި މީހުން އިތުރު ކުރަމުން އަންނަ ކަމަށެވެ.
އޭނާ ވިދާޅުވީ، ކާބޯތަކެއްޗަށް ޖެހިދާނެ ކަމުގެ ބިރު ވާލްޑް ފުޑް ޕްރޮގްރާމުން ފާޅުކޮށްފައިވާ ކަމަށެވެ.
11 މާރޗް 2022 | ހުކުރު 03:38