މ.މުލަކުގެ 5.8ކިލޯމީޓަރުގެ މަގުގައި ތާރުއެޅުން އާރްޑީސީއާ ހަވާލުކޮށްފިއެވެ.
420 ދުވަހުން މަސައްކަތް ނިންމާގޮތަށް ރޯޑް ޑިވެލޮޕްމެންޓް ކޯޕަރޭޝަނާ ހަވާލުކޮށްފައިވަނީ 5 އެޕްރީލް 2021ގައެވެ. މިމަޝްރޫއަކީ 106,230,722.25 ރުފިޔާ (ސަތޭކަ މިލިއަން ދެލައްކަ ތިރީސްހާސް ހަތްސަތޭކަ ބާވީސް ރުފިޔާ ފަންސަވީސް ލާރި) ސަރުކާރުގެ ބަޖެޓުން ޚަރަދުކުރާ މަޝްރޫއެކެވެ.
މަގުގައި ތާރު އެޅުމުގެ މި މަޝްރޫއުގެ ތެރެއިން މަގުތަކުގައި ފެންހިންދާ ނިޒާމް ގާއިމްކުރުމާއި، މަގުބައްތި ޖެހުމަށްވެސް ވަނީ ހަމަޖެހިފައެވެ.
މި މަސައްކަތުގެ އެއްބަސްވުމުގައި މިނިސްޓްރީ އޮފް ނޭޝަނަލް ޕްލޭނިން ހައުސިން އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ ޕާމަނަންޓް ސެކްރެޓަރީ ޒީނިޔާ އަހުމަދު ހަމީދެވެ.
މަސައްކަތުގެ ކޮންޓްރެކްޓަރ ރޯޑް ޑިވެލޮޕްމަންޓް ކޯޕަރޭޝަންގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރ މޫސާ އަލިމަނިކެވެ. ރޯޑް ޑިވެލޮމެންޓް ކޯޕަރޭޝަނުން އަންނަނީ ރާއްޖޭގެ އެކި ރަށރަށުގައި މަގުހެދުމުގެ މަސައްކަތްތައް ކުރަމުންނެވެ.
