މާލޭ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލައަށް އޮތް ހައްލަކީ، ރާއްޖޭގެ ހުރިހާ ހިސާބަކުން ހުޅުވާލެވިގެން ގޯތި ދޫކުރެވޭނެ އިންތިޒާމެއް ހަމަޖެއްސުންކަމަށް ނޭޝަނަލް ޕްލޭނިން ހައުސިން އެންޑް އިންފްރާސްޓްރަކްޗަރ މިނިސްޓަރު މުޙައްމަދު އަސްލަމް ވިދާޅުވެއްޖެއެވެ.
މަލޭ ރައްޔިތުންގެ ބޯހިޔާވަހިކަމުގެ މައްސަލައަށް ހައްލެއް ގެނެސް ދިނުމަށް، ސަރުކާރުން ވިސްނާފައިވަނީ، ގުޅީ ފަޅުން ގޯތި ދޫކުރުމަށެވެ. އެހެންނަމަވެސް، ހައުސިން މިނިސްޓަރު ވިދާޅުވީ، މިއީ ދާއިމީ ހައްލެއް ނޫން ކަމަށާއި، ގުޅީ ފަޅުގައި މާލޭގެ އެންމެންނަށް ބޭނުންވާ މިންވަރަށް ބިން ނެތް ކަމަށެވެ.
އަޅުގަނޑު ނެތިން އެއްވެސް ގޮތަކަށް ރައްޔިތުންނަށް އޮޅުވާލާކަށެއް، ނެތް ބިންތަކެއްގެ ވާހަކަ ދައްކާކަށެއް. ދެން ހަމަ ގައިމުވެސް އަޅުގަނޑު ނެތިން އެކަން ކުރާކަށް. ކޮންމެވެސް ވަރަކަށް އެކަން ކުރެވޭނެ. އެކަމަކު، އެންމެން ބޭނުންވާ މިންވަރަކަށް ބިމެއް ނެތް ހަމަ ޔަގީނުންވެސް. ދެން އެޑިމާންޑު އެވަރަށް އޮތީ މާލޭގަ. ބިމުގެ ޑިމާންޑުް ނޭޝަނަލް ޕްލޭނިން, ހައުސިން އެންޑް އިންފްރާސްޓްރަކްޗަރ މިނިސްޓަރު މުޙައްމަދު އަސްލަމް
ރާއްޖެޓީވީގެ 'ފަށާއިރު' ޕްރޮގްރާމްގައި ވާހަކަފުޅު ދައްކަވަމުން އަސްލަމް ވިދާޅުވީ، މާލޭ ރައްޔިތުންނަށް ގޯތި ދޫކުރުމުގެ މައްސަލަ ދިމާވެފައިވަނީ، ގިނަ ބަޔަކު އެއްތަނަކަށް ފުނިޖެހުމުން ކަމަށެވެ. އެމީހަކު ބޭނުން ހިސާބަކުން ގޯތިދެވޭނެ އުސޫލެއް ހަމަޖެހިއްޖެނަމަ އެ މައްސަލައަށް ހައްލެއް ލިބިގެންދާނެކަމަށެވެ.
އަޅުގަނޑު ގަބޫލު ކުރަނީ މުޅި ރާއްޖޭން، އޭގަ އެމީހަކަށް، އެމީހަކު ބޭނުންވާ ތާކުން، ދިރިއުޅުމަށް ގޯއްޗެއް ލިބެން އޮތް ތާކުން، ކޮންމެ ތަނަކުން، ދިނުމުގެ ފުރުސަތު މިހާރު އޮންނަ ވަރަށް ވުރެ ބޮޑަށް ހުޅުވާލައިގެން އެކަން ކުރީމަ ބައެއް މީހުން އިޚްތިޔާރު ކޮށްފާނޭ މާލެނޫން ތަނެއްގަ ދިރިއުޅެން ވެސްް ނޭޝަނަލް ޕްލޭނިން, ހައުސިން އެންޑް އިންފްރާސްޓްރަކްޗަރ މިނިސްޓަރު މުޙައްމަދު އަސްލަމް
އެކަމަކު މިގޮތަށް މިކަން ކުރިއަށްގެން ދިއުމަށް ދިމާވެފައިވާ، ދަތިކަމަކީ، ރަށްރަށުގެ ކައުންސިލްތަކުން އެކަމަށް އެއްބާރުލުން ދޭން ބޭނުން ނުވުން ކަމަށް އަސްލަމް ވިދާޅުވިއެވެ. މިނިސްޓަރު ވިދާޅުވީ، ރަށު މީހަކަށް ނޫނީ، ރަށުން ގޯތި ދޭން އެއްވެސް ރަށެއްގެ ކައުންސިލުން ބޭނުން ނުވާކަމަށެވެ. އެހެންނަމަވެސް މިއަށްވުރެ ހުޅުވާލައިގެން، ގޯތި ދޫކުރުމުގެ މަސައްކަތް ކުރިއަށް ގެންދެވިއްޖެނަމަ، ގޯތި ގެދޮރުގެ މައްސަލައަށް ބޮޑު ހައްލެއް ލިބިގެން ދާނެ ކަމަށް އަސްލަމް ވިދާޅުވިއެވެ.
މިހާރު އެއްވެސް ރަށަކުން ބޭނުމެއް ނުވޭ ސީދާ އެރަށު މީހާއަށް ނޫނިއްޔާ އެރަށުން ބިންކޮޅެއް ދޭކަށެއް. ދެން ނޭނގެ އަޅުގަނޑަށް ކީއްވެގެން ކަމެއް، ބައެއް ރަށްރަށުގަ ޖާގަ ހުންނަ އިރުވެސް ނުދެނީ. ބައެއް ރަށްރަށުގަ ބިންފުރިގެން ގޮސް ނުދެނީ، ދެން އެރަށުގެ މީހުންނަށް އިސްކަން ދެނީ. އަނެއްބައި ރަށްރަށުގަ ޖާގަ ހުރޭް ނޭޝަނަލް ޕްލޭނިން, ހައުސިން އެންޑް އިންފްރާސްޓްރަކްޗަރ މިނިސްޓަރު މުޙައްމަދު އަސްލަމް
އަސްލަމް ވިދާޅުވީ، އެހެން ރަށްރަށުން ބަދަލުވާން އެދޭ މީހުންނަށް މަރުހަބާ ކިޔުމުގެ ވިސްނުމެއް ރަށްރަށުގެ މީހުންވެސް ގެންގުޅެން ޖެހިފައިވާކަމަށެވެ. އެކަން އެހެން ކުރުމުން ރަށުގެ ތަރައްގީއަށް ވެސް ބޮޑެތި ފައިދާތަކެއް ލިބިގެން ދާނެކަމަށެވެ. މާފުށީގެ ތަރައްގީއަށް މިސާލު ޖައްސަވަމުން، އަސްލަމް ވިދާޅުވީ، އެރަށަށް މިހާރު ލިބިފައިވާ ކުރިއެރުމުގައި ރަށުން ބޭރު މީހުންގެ ހިއްސާ ބޮޑުކަމަށެވެ.
