ދަ އައިލެންޑް ކިޗަންގެ ނަމުގައި މާލެސިޓީގައި ރެސްޓޯރެންޓެއް ހުޅުވައިފިއެވެ.
ހޯމަ ދުވަހު މި ރެސްޓޯރެންޓް ހުޅުވާފައިވާއިރު މިތަން ހުންނަނީ ރައްޔިތުންގެ މަޖިލީހުގެ ކުރިމަތީގައެވެ.
މެނޫ 2ގައި ގިނަ އައިޓަމްތައް ހިމެނޭ ކަމަށާއި ރެސްޓޯރެންޓްއިން ސިއްޙަތަށް ފައިދާ ހުރި ކާނާގެ ބާވަތްތައް ވެސް ލިބޭނެ ކަމަށް އެ ރެސްޓޯރެންޓުން މަޢުލޫމާތުދެއެވެ.
ރާއްޖެއެމްވީއަށް މަޢުލޫމާތު ދެއްވަމުން ޒެޑް.އެޗް.އާރް. ކުންފުނީގެ ޑިރެކްޓަރ އަދި ރެސްޓޯރެންޓްގެ ވެރިފަރާތް ނާސިހް ޖަމީލް ވިދާޅުވީ ރެސްޓޯރެންޓުން ބޮޑަށް އަމާޒު ހިފާފައިވަނީ ވެސްޓަން އަދި އޭޝިއަން ފުޑް ކަސްޓަމަރުންނަށް ފޯރުކޮށްދިނުމަށް ކަަމަށެވެ.
ކަސްޓަމަރުންނަށް އަވަސް ޚިދުމަތް ފޯރުކޮށްދޭނެ މިތަނުން. ލަންކާގެ ޝެފުން މަސައްކަތް ކުރާނީ. ޕޭސްޓްރީއަށް ޚާއްޞަ ޝެފެއް ވެސް ހުންނާނެ.ނާސިހް ޖަމީލް
ކުރިއަތް އޮތް ތާނގައި މި ވިޔަފާރި ފުޅާކޮށް މި ރެސްޓޯރެންޓްގެ އެކި ޗެއިންތައް ހުޅުވުމަށް ވަނީ ނިންމާފައެވެ.
