އިންޑިއާގެ ނިއު ދިއްލީގައި ކޮވިޑް-19 ޖެހިގެން މަރުވި މީހުންގެ އަދަދު ރެކޯޑް އަަދަދަކަށް މައްޗަށް އަރައިފިއެވެ.

ރޮއިޓަރސްއިން ރިޕޯޓްކޮށްފައިވާ ގޮތަށް ބަލާއިރު، ބުރާސްފަތި ދުވަހު ރެކޯޑް އަދަދަކަށް މީހުން މަރުވެފައިވާއިރު ބުރާސްފަތި ދުވަހަކީ އެ ގައުމުގައި އެންމެ ގިނަ އަދަދަކަށް މީހުން ޕޮޒިޓިވްވި ދުވަހެވެ. ސަބަބެއްގެ ގޮތުގައި ބުނެފައިވަނީ ޕޮލިއުޝަން އިތުރުވުމާއި ކާރުބާރު ބޮޑުވުމުގެ ސަބަބުން އިޖްތިމާއީ ގައިދުރުކަން ނުބެހެއްޓުމުގެ އިތުރުން ބައެއް ފެސްޓިވަލްތައް ކުރިއަށްދާތީ ކަމަށެވެ.

ސެޕްޓެމްބަރު މަހު އެ ގައުމުގައި ކޭސްތައް މައްޗަށްދާން ފެށިފަހުން ދިއްލީ ފިޔަވައި އެހެން ސިޓީތަކުގައި ފެންނަ ކޭސްތަކުގެ އަދަދު އަންނަނީ މަޑުމަޑުން ދަށްވަމުންނެވެ. ދިއްލީގައި ކޭސްތައް އިތުރުވަމުން އަންނަ މިންވަރު އަދިވެސް ދަނީ މަތިވަމުންނެވެ.

ދިއްލީގައި ބުރާސްފަތި ދުވަހު 104 މީހަކު ވަނީ މަރުވެފައެވެ. އަދި 7000 އަށް ވުރެ ގިނަ ކޭސް ވަނީ ރެކޯޑްކޮށްފައެވެ. ފާއިތުވި 24 ގަޑިއިރު 44000 އަށް ވުރެ ގިނަ މީހުންގެ އިންޑިއާގައި ޕޮޒިޓިވްވެފައިވެއެވެ.

އިންޑިޔާއިން ދުވާލެއްގެ މައްޗަށް މަރުވި މީހުންގެ އަދަދު ވަނީ ފާއިތުވި 15 ދުވަހު 600 އިން ދަށުގައި އުޅުމަށް ފަހު އަނެއްކާ ވެސް 700 އިން މަށްޗަށް އަރާފަައެވެ. ކުޑަ މަޑުޖެހުމަކަށް ފަހު އަނެއްކާވެސް ކޮވިޑްގެ ކޭސްތަށް އިތުރުވާން ފަށާފައިވާއިރު އިންޑިޔާއަކީ މި ވަގުތު ދުނިޔެއިން ދެވަނައަށް އެންމެ ގިނަ ބަޔަކު މި ބައްޔަށް ޕޮޒިޓިވްވެ، ތިންވަނައަށް އެންމެ ގިނަ ބަޔަކު މަރުވި ޤައުމެވެ.