ޓްރީޓޮޕް ހޮސްޕިޓަލުން ޕިސީއާރް ޓެސްޓު ހެދޭ އަގު ހެޔޮކޮށްފިއެވެ.

އެ ހޮސްޕިޓަލުން ބުނީ ޓްރީ ޓޮޕް ހޮސްޕިޓަލުން ކޮވިޑް-19 ޕީ.ސީ.އާރް ޓެސްޓު ކުރެވޭ އަދަދު އިތުރުކޮށް، އޮކްޓޯބަރު 8 ވަނަ ދުވަހުން ފެށިގެން، މި ޙިދުމަތުގެ އަގުތައް ހެޔޮކޮށްފައިވާ ކަމަށެވެ. އެގޮތުން މިހާރު ދިވެއްސަކަށް 1,399 ރުފިޔާ އަށް ޕީސީއާރް ޓެސްޓް ހެދޭނެ ކަމަށާއި ވޯކް ޕަރމިޓް އޮންނަ ބިދޭސީންނަށް ވެސް ހަމަ އެ އަގުގައި ޕީސީއާރް ޓެސްޓް ހެދޭނެ ކަމަށެވެ. އަދި ފަތުރުވެރިން 1,499. ރުފިޔާ އަށް ޕީސީއާރް ޓެސްޓް ހެދޭނެ ކަމަށެވެ.

ޓްރީ ޓޮޕް ހޮސްޕިޓަލުގެ މިގެނައި ބަދަލާއެކު ސާމްޕަލް ނެގުމަށްފަހު 24 ގަޑިއިރުތެރޭ އަދި ލަސްވެގެން 48 ގަޑިއިރު ތެރޭ ނަތީޖާ ރިޕޯޓު ލިބޭނެ ކަމަށާއި ޕީ.ސީ.އާރު ނަތީޖާ އަވަހަށް ބޭނުންވާނަމަ ނަތީޖާ އަވަސް ކުރުމުގެ ޕްރީމިއަމް ހިދުމަތް ވެސް ލިބޭނެ ކަަމަށެވެ.

ޓްރީ ޓޮޕް ހޮސްޕިޓަލުން ވަނީ ޕީ.ސީ.އާރު ޓެސްޓު ހެދުމުގެ ޙިދުމަތް އައުޓް-ޕޭޝަންޓް (އޯ.ޕީ.ޑީ)، އިން-ޕޭޝަންޓް (އައި.ޕީ.ޑީ) އަދި ޓްރެވަލްސެޓްފިކޭޝަން އަށް ހުޅުވާލެވިފައެވެ.

ނަން ނޯޓު ކުރުމަށް ނުވަތަ އިތުރު މައުލޫމާތު ސާފުކުރުމަށް 3351610 އަށް ގުޅައިގެން ނުވަތަ[email protected]އަށް އީމެއިލް ކުރުމަށް އެ ހޮސްޕިޓަލުން ވަނީ އެދިފައެވެ.