މާލީގެ ވަގުތީ ރައީސް ބާހް އެންޑޯ ރައީސް ކަމާއި ހަވާލުވެވަޑައިގަތުމަށްފަހު ފުރަތަމަ ޕަބްލިކް އެޕިއަރެންސް ފެނިފައި ވަނީ ބުރާސްފަތި ދުވަހުއެވެ.
މާލީގެ ރިޓަޔަރޑް ކާނަލް ބާހް، މާލީގެ ރައީސް ކަމާއި ހަވާލުވެވަޑައިގެންފައި ވަނީ, ބަޣާވަތް ކޮށް އެ ގައުމުގެ ވެރިކަން އޯގަސްޓު މަހުގެތެރޭގައި ވައްޓާލުމާއި ގުޅިގެންނެވެ. ބުރާސްފަތި ދުވަހު ބާހް ވަނީ ނައިޖީރިއާގެ ކުރީގެ ރައީސް ގުޑްލަކް ޖޮނަތަން އާއި ބައްދަލުކުރައްވާފައެވެ.
އޭއެފްޕީގައި ވާގޮތުން ބާހް ނައިޖީރިއާގެ ކުރީގެ ރައީސް އާއި ބައްދަލުކުރައްވާފައި ވަނީ އީކޮވަސްގެ މިޝަން އަކަށް، މާލީގެ ވެރިރަށް ބަމަކޯ އަށް ޖޮނަތަން ކުރެއްވި ދަތުރުފުޅެއްގައެވެ.
މާލީގެ ރައީސް ކަމާއި ބާހް ހަވާލުވެވަޑައިގެން ކަން އިއުލާން ކޮށްފައި ވަނީ ފާއިތުވި ހޯމަ ދުވަހު، އެގައުމުގެ އަސްކަރިއްޔާގެ ކާނަލް އަސްސިމި ގޮއިތާއެވެ. އެގައުމުގެ އަސްކަރިއްޔާ އިން ވަނީ ގައުމުގެ ވެރިއަކަށް ހުރި އިބްރާހިމް ބޯބަކަރް ކެއިތާ މަގާމުން ވަކިކޮށް އޮގަސްޓް 18 ވަނަ ދުވަހު މާލީގެ ވެރިކަމުގެ ބާރު އަސްކަރިއްޔާގެ ދަށަށް ގެންގޮސްފައެވެ.
ބާހްގެ ނައިބު ރައީސްގެ މަގާމުގައި ހުންނެނީ ގޮއިތާއެވެ.
