މެންޗެސްޓާ ސިޓީ ހިންގާ ސިޓީ ފުޓްބޯލް ގްރޫޕުން ފްރާންސްގެ ދެވަނަ ޑިވިޝަނުގެ ކުލަބެއް ކަމަށްވާ ޓުއާ ގަނެފިއެވެ.

މިއީ ޔޫއޭއީގެ މަހުޖަނުން އިސްވެ، އެމެރިކާ އާއި ޔޫރަޕްގެ ވިޔަފާރިތަކަކާވެސް ގުޅިގެން ހިންގާ ސިޓީ ފުޓްބޯލް ގްރޫޕުން ގަތް 10 ވަނަ ކުލަބެވެ.

ސިޓީ ފުޓްބޯލް ގްރޫޕްގެ ޗީފް އެގްޒެކުޓިވް ފެރާން ސޮރިއާނޯ ވިދާޅުވީ ފްރާންސްގެ ކުލަބެއް ގައުމަށް ސިޓީ ފުޓްބޯލް ގްރޫޕުން މަސައްކަތް ކުރަމުން އަންނަތާ ދުވަސްކޮޅެއް ވެފައިވާ ކަމަށާއި، އެގޮތުން ފްރާންސްގެ ދެވަނަ ޑިވިޝަނުގެ ކުލަބެއް ކަމަށްވާ ޓުއާ ގަތުމަށް ނިންމީ އެ ކުލަބާ ދޭތެރޭ ސިޓީގެ ވެރިން ހިތްހަމަޖެހޭތީ ކަމަށެވެ.

ފްރާންސްގެ ދެވަނަ ޑިވިޝަނުގެ ވާދަކުރަމުން އަންނަ ޓުއާ އަކީ 2001 ވަނަ އަހަރުގެ ޔުއެފާ އިންޓަޓޮޓޯ ކަޕް ކާމިޔާބުކޮށްފައިވާ ޓީމެކެވެ. އަދި ކޮވިޑް-19 އާ ގުޅިގެން މިދިޔަ ސީޒަނުގެ ދެވަނަ ޑިވިޝަން ކެންސަލް ކުރިއިރު ޓުއާ އޮތީ ތާވަލުގެ ހަތަރުވަނައިގައެވެ.

ސިޓީ ފުޓްބޯލް ގްރޫޕުން ގަނެފައިވާ 10 ކުލަބު:

ސިޓީ ފުޓްބޯލް ގްރޫޕުން 10 ކުލަބެއް ގަނެފައިވާއިރު، ހުރިހާ ކުލަބުތައް އޮންނަނީ އެއް ޕްލެޓްފޯމެއްގެ ތެރެއިން ގުޅާލެވިފައެވެ. އަދި އެކެޑެމީ ލެވެލްގެ ޕްރޮގްރާމުން ފެށިގެން ހުރިހާ ކަންތައްތަކެއް އެއް މޮޑިއުލްގެ ތެރެއިން ކުރިއަށްދާއިރު، އެކި ޓީމުތަކުގެ މެދުގައި ކުޅުންތެރިން ބަދަލުކުރުމުގެ ކަންތައްތައްވެސް ކުރިއަށްދެއެވެ. އެ ގޮތުން ޗެލްސީގެ ކުރީގެ މިޑްފީލްޑަރު އަދި މިހާރުގެ ކޯޗު ފްރޭންކް ލަމްޕާޑް ނިއުޔޯކް ސިޓީއަށް ބަދަލުވި ޑީލުގެ ތެރެއިން އޭނާ ވަނީ އިނގިރޭސި ޕްރިމިއާ ލީގުގައި ސިޓީއަށްވެސް ކުޅެފައެވެ.