ޔޫއްޕެ ޕްރޮޑަކްޝަންގެ ޑްރާމާ ސީރީޒް "ހުވާކޮށްފާ ބުނަން"ގެ ޓީޒާ ޓްރެއިލަރ ދައްކާލައިފިއެވެ.
މި މަސްތެރޭގައި ދައްކަން ފަށަން ހަމަޖެހިފައިވާ މި ޑްރާމާ ސިލްސިލާ އަކީ ލޯބީގެ ކަންތައްތަކެއް ދައްކުވައިދޭ ޑްރާމާއެކެވެ.
ސީދާ ދައްކާނެ ވަކި ތާރީޙެއް އަދި ހާމަކޮށްފައި ނުވާ މި ޑްރާމާގެ ކާސްޓުންނަކީ އަލީ އާޒިމް (ދޮން އައްޔަ)، ޝިފާ، ނަތާޝާ، އަހުމަދު ސައީދު، އަހުމަދު އީސާ (އާނަންދު)، މުހައްމަދު މުސްތަފާ (މުސްތޮ)، އަބްދުﷲ ޝާފިއު (ފުބޫ)،ނާޝިދާގެ އިތުރުން ވާޝިޔާއެވެ.
ހުވާކޮށްފާ ބުނަން އަކީ 26 އެޕިސޯޑުގެ މައްޗަށް އުފައްދާ ސީރީޒްއެކެވެ. ލޯބީގެ އިތުރުން އިޖުތިމާއީ މައްސަލަތަކެއް ވެސް މި ޑްރާމާގައި ވަރަށް ފުރިހަމައަށް ފެންނާނެއެވެ.
