އިނގިރޭސި އެކްޓަރ އިއަން ހޯމް މަރުވެއްޖެއެވެ.
އޭނާ އަކީ "ލޯޑް އޮފް ދަ ރިންގްސް" ގައި ހޮބިޓް ބިލްބޯ ބެގިންސްގެ ރޯލް އަދާކޮށްފައިވާ ތަރިއެވެ. އުމުރުން 88 އަށް އަހަރުގައި އިއަން ހޯމް މަރުވެފައިވަނީ ތުރުތުރު ބަލީގައި ހޮސްފިޓަލްގައި ފަރުވާދެމުން ދަނިކޮށެވެ.
އިއަން ހޯމް ކުޅެފައިވާ މަޝްހޫރު ފިލްމްތަކުގެ ތެރޭގައި "ރިޑްލީ ސްކޮޓްގެ އޭލިއަން"، "ޗެރިއޮޓްސް އޮފް ފަޔަރ" އަދި "ރެޓަޓުއީ" ގެ އިތުރުން ގިނަ ފިލްމްތައް ހިމެނެއެވެ.
"ޗެރިއޮޓްސް އޮފް ފަޔަރ" ގައި އޭނާ އަދާކުރި ރޯލަށް އޭނާވަނީ އޮސްކާއަށް ނޮމިނޭޓް ވެފައެވެ. މީގެ އިތުރުންވެސް އިއަން ހޯމް އަށް ވަނީ "ކިންގް ލިއަ" އަށް ބެސްޓް އެކްޓަރ އޮލީވިއާ އެވޯޑް ވެސް ލިބިފައެވެ.
އެސެކްސްއަށް އުފަން އިއަން ހޯމް މަރުވިއިރު އޭނާގެ ފަސް ކުދިންނާއި ކާފަ ކިޔާ ފިރިހެން ކުއްޖެއްގެ އިތުރުން އަންބަކު ދުނިޔޭގައި އެބަތިއްބެވެ.
