ޚަބަރުތައް ބުނާ ގޮތުން ޖާންވީ ކަޕޫރުގެ "ދަ ކާރްގިލް ގާލް" ނެޓްފްލިކްސްގައި ރިލީޒްކުރަން މިހާރު ވަނީ ނިންމާފަ އެވެ.
ކޮވިޑް 19 ގެ ސަބަބުން މުޅި އިންޑިއާ ވަނީ ލޮކްޑައުން ކޮށްފަ އެވެ. އެހެންކަމުން މި ދުވަސްކޮޅު ހުރިހާ ސިނަމާތައް ހުރީ ތަޅު އަޅުވާފަ އެވެ. ރިލީޒް ކުރަން ތައްޔާރުވެފައި ހުރި އެތައް ފިލްމެއް ވަނީ ރިލީޒް ނުކުރެވިފަ އެވެ. މިކަމުގެ ސަބަބުން ފިލްމު އިންޑަސްޓްރީއަށް ދަނީ ބޮޑެތި ގެއްލުން ލިބެމުންނެވެ.
ފިލްމު "ދަ ކާރްގިލް ގާލް" އަކީ ޒީ ފިލްމްސް އިން ޕްރޮޑިއުސްކުރާ ފިލްމެއްކަމަށް ދަނީ އަޑުތައް ފެތުރެމުންނެވެ.
ކޮވިޑް 19 ދިގު ދެމިގެން ދާނެ ދުވަހެއް ޔަގީން ނުވާތީ ސިނަމާތައް ހުޅުވާނެ ތާރީޙެއް ބުނާކަށް ނޭނގެ އެވެ. އެހެންކަމުން އޮންލައިން ޕްލެޓްފޯމްތަކުގައި ބައެއް ފިލްމުތައް ދަނީ ރިލީޒް ކުރަމުންނެވެ.
