ހޯސްޓް އަދި އެކްޓަރ މަނީޝް ޕައުލް "ވަޓް އިފް" ކިޔާ ކުރު ފިލްމެއް ހަދައިފި އެވެ.

މިއީ ލޮކްޑައުން ދުވަސްކޮޅާއި ގުޅުވައިގެން އޭނަ ހަދާފައިވާ ފިލްމެކެވެ. މަނީޝް ބުނީ މި ފިލްމުން އޭނާ އަށް ލިބޭ ހުރިހާ އާމްދަނީ އެއް ހަދިޔާކުރާނީ ޗެރިޓީއަކަށް ކަމަށެވެ.

މަނީޝް ބުނީ މި ފިލްމު ހަދާފައިވަނީ ޖިއޯ ސްޓޫޑިއޯ އާއި އެކުގައި ކަމަށެވެ. މަނީޝް ފިލްމު ޑައިރެކްޓްކުރި އިރު ކޯ ޑައިރެކްޓްކޮށްފައިވަނީ ކާތިކް ސިންގް އެވެ. މި ފިލްމު ރިލީޒް ކޮށްފައި ވަނީ މެއި މަހުގެ 13 ވަނަ ދުވަހުގަ އެވެ.

މަނީޝް މުޅި ފިލްމު ޝޫޓްކޮށްފައި ވަނީ އޭނާގެ ފޯން ސެލްފީ މޯޑަށް ލައިގެންނެވެ. މި ފިލްމުގެ އިތުރުން ފޯނުން ޝޫޓްކޮށްފައިވާ ފިލްމުތަކުގެ ތެރޭގައި ހައި ފްލައިންގް ބަރޑް، ޓަންގެރީން، 9 ރައިޑްސް، އަންސޭން، ރޮމޭންސް އިން އެންވައިސީ އަދި އައި ޕްލޭ ވިތް ދަ ފްރޭސް އީޗް އަދާ ހިމެނެއެވެ.