ދިގު މުއްތަށް ބޭސް ބޭނުންކުރާ ފަރާތްތަކުގެ ބޭސް ސިޓީ ހުޅުމާލެ ހޮސްޕިޓަލުން އައު ކޮށްދޭން ފަށައިފިއެވެ.
ހުޅުމާލެ ހޮސްޕިޓަލުން ބުނީ ޞިއްޙީ ޙިދުމަތްދޭ ތަންތަނަށް ކޮންމެހެން އަންނަންޖެހޭ ހާލަތްތަކުގައި މެނުވީ ޒިޔާރަތް ކުރުން ހުއްޓުވުމަށްޓަކައި ދިގު މުއްދަތަށް ބޭސް ބޭނުން ކުރާ ފަރާތްތަކުގެ ބޭސް ސިޓީ ވައިބަރ ކުރުމުން ބޭސް ސިޓީ އައުކޮށްދިނުމުގެ އުސޫލު ހޮސްޕިޓަލުން ހަމަޖައްސާފައިވާ ކަމަށެވެ.
އެގޮތުން އެންމެ ފަހުގެ ބޭސް ސިޓީ އަދި އައިޑީ ކާޑް، 9130495 ނަންބަރ އަށް ވައިބަރ ކުރުމުން ބޭސްސިޓީ ލިޔުމަށްފަހު ބޭސްސިޓީ ހޮސްޕިޓަލުން ވައިބަރ ކުރާނެ ކަމަށެވެ. އަދި މިގޮތަށް ބޭސް ސިޓީ އައުކޮށްދެވޭނީ ހަމައެކަނި ދިގު މުއްދަތަށް ބޭސް ބޭނުންކުރާ ފަރާތްތަކަށް އެކަނި ކަމަށް ވެސް ހުޅުމާލެ ހޮސްޕިޓަލުން ބުނެއެވެ.
އިތުރު މަޢުލޫމާތު ހޯއްދެވުމަށް 1417 އަށް ގުޅުމަށް ހޮސްޕިޓަލުން ވަނީ އެދިފައެވެ.
ހުޅުމާލެ ހޮސްޕިޓަލުން މި ހިދުމަތް ފަށާފައިވާ އިރު، އޭޑީކޭއިން ވެސް ވަނީ ދިގު މުއްތަށް ބޭސް ބޭނުންކުރާ ފަރާތްތަކުގެ ބޭސް ސިޓީ ފޮނުވުމުން ގޭގެއަށް ބޭސް ޑެލިވަރީ ކޮށްދޭނެ ކަމަށް ބުނެފައެވެ.
މީގެ އިތުރުން އޮންލައިންކޮށް ބަލި މީހުން ބެލުމުގެ އިންތިޒާމް ވެސް އޭޑީކޭ ހޮސްޕިޓަލުން އަންނަނީ ދެމުންނެވެ.
