ބަނގުރާ ފުޅިތަކާއި ގިނަ އަދަދެއްގެ ފައިސާއާއި އެކު ބިދޭސީއަކު ފުލުހުންގެ ބެލުމުގެ ދަށަށް ގެނެސްފިއެވެ.
ފުލުހުން މިކަން ހާމަކޮށް ކޮށްފައިވާ ޓުވީޓެއްގައި ބުނެފައިވަނީ، ގަވާއިދާއި ހިލާފަށް ބައިސްކަލެއްގައި ދިޔަ ބިދޭސީއަކު ހުއްޓުވައި ބެލިއިރު އޭނާ ދުއްވަން އިނީ ވަގަށް ނަގާފައިވާ ބައިސްކަލެއްކަން ދެނެގަނެވިފައިވާވަކަމަށެވެ. ފުލުހުން ބުނީ އިތުރަށް ބަލައި ފާސްކުރުމުގެ ތެރޭގައި އޭނާ ދުއްވަން އިން ބައިސްކަލުގެ ވަށިގަނޑުން ބަނގުރަ ކަމަށް ބެލެވޭ އެއްޗެއް އަޅައިފައިހުރި 10 ފުޅިއާއި ގިނަ އަދަދެއްގެ ފައިސާ ފެނިފައިވާކަމަށެވެ.
މި މައްސަލައިގައި 55 އަހަރުގެ އިންޑިއާއަށް ނިސްބަތްވާ ފިރިހެނެއް ހައްޔަރުކޮށްފައިވާއިރު ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
