ރާއްޖޭގައި ކަރަންޓީނުގެ މުއްދަތު ފުރިހަމަ ކުރުމަށްފަހު އިޓަލީއަށް ދިޔަ ދެ މީހަކު ކޮވިޑް-19 އަށް ޕޮޒިޓީވްވެފައިވާކަމަށް ހެލްތު މިނިސްޓަރ އަބްދުﷲ އަމީން ވިދާޅުވެއްޖެއެވެ.
ހުކުރު ދުވަހު ބޭއްވި ކުއްލި ނޫސްވެރިންގެ ބައްދަލުވުމުގައި އަމީން ވިދާޅުވީ ރާއްޖޭގައި 14 ދުވަހުގެ ކަރަންޓީނުގެ މުއްދަތު ފުރިހަމަކުރުމަށްފަހު ފުރައިގެން ދިޔަ އިޓަލީގެ ދެމީހަކު ބައްޔަށް ޕޮޒިޓިވްވެފައިވާކަމަށެވެ.
އަމީން އިތުރަށް ވިދާޅުވީ ދިރާސާ ކުރުމުގެ ބޭނުމަށް ކަރަންޓީނުގެ މުއްދަތު ފުރިހަމަކުރާ، ހައި ރިސްކު މީހުންގެ ސާމްޕަލް ނަގާ ކަމަށެވެ. އަދި ހެދުނު ޓެސްޓުތަކުން އެ ދެމީހުން ބައްޔަށް ޕޮޒިޓިވްކަން ހާމަވިކަމަށެވެ. އަދި އެދެމީހުން މިހާރު ދަނީ އިޓަލީ އަށް ދަތުރުކުރަމުންނެވެ.
މިހާތަނަށް ރާއްޖެއިން ވަނީ ކޮވިޑް-19ގެ 14 ކޭސްއެއް ފެނިފައިވާއިރު އޭގެ ތެރެއިން 9 މީހުންނަކީ އިޓަލީއަށް ނިސްބަތްވާ މީހުންނެވެ. އެއް ދިވެއްސަކު މި ބައްޔަށް ޕޮޒިޓިވްވެފައިވެއެވެ.
