އެސްޓީއޯއިން ވިއްކާ ޑީސަލްގެ އަގުން ލީޓަރަކުން 50 ލާރި އަދި ޕެޓްރޯލްގެ އަގުން ލީޓަރަކުން 53 ލާރި ހެޔޮކޮށްފިއެވެ.
އެސްޓީއޯއިން ބުނީ 13 މާރޗް 2020 އިން ފެށިގެން ޑީސަލާއި ޕެޓްރޯލް ވިއްކާ އަގުހެޔޮ ކުރަން އެ ކުންފުނިން ނިންމާފައިވާ ކަމަށާއި މި ބަދަލު ގެނެވުނީ ދުނިޔޭގެ ބާޒާރުގައި ތެލުގެ އަގަށް އައި ހެޔޮ ބަދަލާއި ގުޅިގެން ކަމަށެވެ.
މިއީ މިދިޔަ އަހަރުގެ މެއި މަހުން ފެށިގެން އެސްޓީއޯ އިން ވިއްކާ ޑީސަލާއި ޕެޓްރޯލްގެ އަގު އެކުންފުނިން ވިދިވިދިގެން ހެޔޮކުރި ހަތަރު ވަނަ ފަހަރެވެ.
މިފަހަރު މި ގެނެވުނު ބަދާލާއެކު 13 މާރޗް އިން ފެށިގެން ޑީސަލް ލީޓަރެއް ލިބެން ހުންނާނީ 10.39ރ އަށެވެ. އަދި ޕެޓްރޯލް ލީޓަރެއް ލިބެން ހުންނާނީ 9.60ރ އަށެވެ.
