އިންޑިއާގެ ފިލްމު ފެއަރ އެވޯޑްގައި މިހާތަނަށް އެންމެ ގިނަ އެވޯޑް ހޯދި ފިލްމަކަށް، ރަންވީރު ސިންހް އާއި އާލިއާ ހަރަކާތްތެރިވެފައިވާ ފިލްމު ''ގަލީ ބޯއި'' ވެއްޖެއެވެ.
ހޮނިހިރު ދުވަހުގެރޭ 65 ވަނަ އެމޭޒަން ފިލްމު ފެއަރ އެވޯޑް ވަނީ ބާއްވާފައެވެ. އިންޑިއާގެ އައްސާމު ސްޓޭޓްގައި ކުލަގަދަކޮށް ބޭއްވި މި އެ ހަފްލާ އަކީ މުމްބާއިއިން ބޭރުގައި ފިލްމު ފެއަރ އެވޯޑެއް ބޭއްވި ފުރަތަމަ ފަހަރެވެ.
އެ އެވޯޑް ހުށައަޅަދީފައިވަނީ ކަރަން ޖޯހަރު، ވަރުން ދަވަންގެ އިތުރުން ވިކީ ކޯޝަލްއެވެ.
ގަލީ ބޯއިއަށް ލިބުނު އެވޯޑްތައް:
- ބެސްޓް ފިލްމު
- ބެސްޓް ޑައިރެކްޓަރ
- ބެސްޓް އެކްޓަރ
- ބެސްޓް އެކްޓްރެސް
- ބެސްޓް ސަޕޯޓިން އެކްޓަރ
- ބެސްޓް ސަޕޯޓިން އެކްޓްރެސް
- ބެސްޓް ސްކްރީންޕްލޭ
- ބެސްޓް ޑައިލޮގް
- ބެސްޓް މިއުޒިކް ޑިރެކްޓަރ
- ބެސްޓް ލިރިކްސްޓް
- ބެސްޓް ޕްރޮޑަކްޝަން ޑިޒައިން
- ބެސްޓް ސިނަމެޓޯގްރަފީ
- ބެސްޓް ބެކްގްރައުންޑް ސްކޯރ
ގަލީ ބޯއި ޕްރޮޑިއުސް ކޮށްފައިވަނީ ފަރާހް އަދި ރިތޭޝްއެވެ. މި ފިލްމަކީ މުމްބާއީގެ ސްޓްރީޓް ރެޕާއެއް ކަމުގައިވާ ނައިޒީ ނަމަކަށް ކިޔާ ފިރިހެންކުއްޖެގެ ދިރިއުޅުމުގެ މައްޗަށް ބިނާކޮށް ތައްޔާރުކޮށްފައިވާ ފިލްމެކެވެ.
