ދެކުނުކޮރެއާގެ ހިނގި އެންމެ ނުރައްކާތެރިއެއް ފެރީ އެކްސިޑެންޓްގައި ބަންޑުން ޖަހާލި ފެރީ ތިން އަހަރަށްފަހު ކަނޑުއަޑިން ނަގައިފިއެވެ.
ސޯލް ފެރީ ބަންޑުން ޖަހާލާފައިވަނީ 2014 ވަނަ އަހަރުގެ އޭޕްރީލް މަހު 16ވަނަ ދުވަހު އެގައުމުގެ ރަށެއްކަމަށްވާ ޖިންޑޯގެ ހުޅަނގު ދެކުނަށެވެ.
އެ ހާދިސާގައި 304 މީހުން މަރުވެފައިވާއިރު ގިނައީ ކިޔަވާ ކުދިންނެވެ.
ވިންޗް ބޭނުންކޮށްގެން އެ ބޯޓް ފެނުން މައްޗަށް ނަގާފައިވާއިރު އައްސޭރިފަށަށް ގެންދިއުމަށް އޭގެ ދަަށަށް ޕްލެޓްފޯމެއް ލައްވާނެއެވެ.
މި ބޯޓް ބަނދަރަށް ގެންދިއުމަށް ހޭދަވާނީ ދެ ހަފްތާއަށްވުރެ ކުރު މުއްދަތެއްކަމަށްވަނީ ލަފާކުރެވިފައެވެ.
ބޯޓް ބަންޑުންޖަހާލި ހާދިސާގައި މަރުވި މީހުންގެ އާއިލާތަކުން އެތަނަށް ހާޒިރުވާނެއެވެ.
ނުވަ މީހެއްގެ ހަށިގަނޑު އަދިވެސް އޮތީ ބޯޓްގެ ތެރޭގައި ތާށިވެފައި ކަމަށްވާއިރު ބޯޓް ނެގުމަކީ އާއިލާތަކުގެ މައިގަނޑު އެއް ޑިމާންޑެވެ.
