ސްކޫލްތަކަށް މުދައްރިސުން ލިބުމުގައި ހުރި ދަތިތައް ހައްލުކުރުމަށް އިސްލާމިކް ޔުނިވަރސިޓީ އޮފް މޯލްޑިވްސް (އައިޔޫއެމް) އާއި ގުރުއާނާ ބެހޭ މަރުކަޒުގެ ބޭފުޅުންނާއެކު އެޑިއުކޭޝަން މިނިސްޓަރ ޑރ. އައިޝަތު އަލީ މަޝްވަރާކުރައްވައިފިއެވެ.
އެޑިއުކޭޝަން މިނިސްޓްރީން ބުނީ މިނިސްޓަރު، ކީރިތި ޤުރްއާނާ ބެހޭ މަރުކަޒާއި ދިވެހިރާއްޖޭގެ އިސްލާމިކް ޔުނިވަރސިޓީގެ ބޭފުޅުންނާއި ބައްދަލުކުރައްވައި ޤުރްއާން މުދައްރިސުން ލިބުމަށް ހުރި ދަތިތައް ހައްލުކުރުމާއި ގުޅޭގޮތުން މަޝްވަރާކުރެއްވި ކަމަށެވެ.
މީގެއިތުރުން މި ބައްދަލުވުމުގެ ތެރެއިން އައިޔޫއެމްއާއި ގުރުއާނާ ބެހޭ މަރުކަޒުން ހިންގާ ޓީޗަރުން ތަމްރީނުކުރާ ކޯސްތަކުން ސްކޫލްތަކަށް ބޭނުންވާ ޓީޗަރުން ތަމްރީނުކުރުމާބެހޭ ގޮތުން ވެސް މަޝްވަރާކޮށްފައިވެއެވެ.
އެޑިއުކޭޝަން މިނިސްޓްރީން ބުނީ ސްކޫލްތަކަށް ބޭނުންވާ ޓީޗަރުން ހަމަ ކުރުމުގެ މަސައްކަތް މިހާރު ފަށާފައިވާ ކަމަށާއި، އަންނަ އަހަރުގެ ދިރާސީ އަހަރު ފެށޭއިރު ސްކޫލްތަކަށް ޓީޗަރުން ހަމަވާނެކަމަށެވެ.
