ޑިސެމްބަރު މަހު ނޭޕާލުގައި އޮންނަ ސައުތް އޭޝިއަން ގޭމްސްއަށް ތައްޔާރުވުމަށް ގައުމީ އަންހެން ބާސްކެޓް ޓީމުން ޗައިނާގައި ކޭމްޕް ކުރުމަށް އެ ގައުމަށް ފުރައިފިއެވެ.
ގައުމީ އަންހެން ބާސްކެޓް ބޯޅަ ޓީމުން ޗައިނާ ކޭމްޕްއަށް ފަހު ގޭމްސް އަށް ނޭޕާލަށް ދާނީ ޗައިނާ އިންނެވެ.
ގައުމީ އަންހެން ބާސްކެޓް ޓީމް ވަނީ ނޮވެމްބަރ މަހުގެ 1 އިން 10 އަށް ތައިލޭންޑުގައިވެސް ޓްރެއިނިންގ ކޭމްޕެއް ފުރިހަމަ ކޮށްފައެވެ.
ގައުމީ އަންހެން ބާސްކެޓް ޓީމާއެކު ގައުމީ ފިރިހެން ބާސްކެޓްބޯޅަ ޓީމުން ވެސް ޗައިނާގައި ކޭމްޕްކުރުމަށް ވަނީ ނިންމައިފައެވެ. ފިރިހެން ބާސްކެޓްބޯޅަ ޓީމުން ވަނީ އޮކްޓޯބަރ މަހު ސިންގަޕޫރުގައި ކޭމްޕް ކޮށްފައެވެ.
