ސްރީލަންކާގެ 8 ވަނަ ރިޔާސީ އިންތިޚާބު ކާމިޔާބު ކުރެއްވި ގޯޓާބަޔަ ރާޖަޕަކްސައަށް ދިވެހި ދައުލަތުގެ އިސްވެރިން މަރުޙަބާ ވިދާޅުވެއްޖެއެވެ.
ސްރީލަންކާގައި ހޮނިހިރު ދުވަހު ބޭއްވި ރިޔާސީ އިންތިހާބުގެ ދާއިމީ ނަތީޖާ އިއުލާނު ކުރައްވާފައިވާއިރު، ނަތީޖާ ދައްކާ ގޮތުން 52.25 އިންސައްތަ ވޯޓާއެކު ގޯޓާބަޔަ އިންތިހާބު ކާމިޔާބު ކުރައްވާފައިވާއިރު، އޭނާއާއި އެންމެ ގާތުން ވާދަކުރި ސަޖިތް ޕްރެމަދާސައަށް ލިބިފައިވަނީ 41.99 އިންސައްތަ ވޯޓެވެ.
ގޯޓާބަޔައަށް މަރުހަބާ ވިދާޅުވެ އާދިއްތަ ދުވަހު ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ކުރެއްވި ޓްވީޓެއްގައި ވިދާޅުވީ، ލަންކާގެ އައު ޒައާމަތާއެކުގައި ގުޅިގެން މަސައްކަތް ކުރެއްވުމަށް އުއްމީދުކުރައްވާ ކަމަށެވެ.
Warm congratulations to President-elect @GotabayaR for a resounding election victory in Sri Lanka. I look forward to working with your new administration to further the already close and fraternal ties between Maldives and Sri Lanka.
— Ibrahim Mohamed Solih (@ibusolih) November 17, 2019
ގޯޓާބަޔައަށް ނައިބްރައީސް ފައިސަލް ނަސީމްވެސް މަރުޙަބާ ވިދާޅުވެފައިވާއިރު، އެމަނިކުފާނުގެ ޓްވީޓުގައި ވަނީ ލަންކާގެ ރައްޔިތުންނަށް ކާމިޔާބަށް އެދިވަޑައިގަންނަވާ ކަމަށް ވިދާޅުވެ ދެ ޤައުމުގެ ގުޅުމުގެ ބަދަހިކަމަށް އަލިއަޅުވާލައްވާފައެވެ.
Warm congratulations to President-Elect @GotabayaR for the election victory! I wish the friendly people of Sri Lanka peace and progress under your Presidency. Maldives and Sri Lanka remain united in fraternal bonds 🇲🇻 🇱🇰
— Faisal Naseem (@FaisalNasym) November 17, 2019
އޭގެ އިތުރުން، ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި، ކުރީގެ ރައީސް މައުމޫނު އަބްދުލް ޤައްޔޫމްވެސް ވަނީ ގޯޓާބަޔައަށް މަރުހަބާ ވިދާޅުވެ ޓްވީޓް ކުރައްވާފައެވެ. އެގޮތުން ރައީސް ނަޝީދުގެ ޓްވީޓުގައި ވިދާޅުވެފައިވަނީ ލަންކާއާއި ރާއްޖެއާ ދެމެދު އޮންނަ ގާތް ގުޅުމަކީ ދެ ޤައުމަށްވެސް ބޭނުންތެރި އެއްޗެއް ކަމަށާއި، ދެ ޤައުމުގެ ލާބައާއި މަންފާއަށްޓަކައި ގުޅިގެން މަސައްކަތް ކުރައްވާނެ ކަމަށެވެ.
A hearty congratulations to @GotabayaR for winning Sri Lanka’s presidential election. The relationship between Maldives and Sri Lanka is so important for both countries. I very much look forward to working with you to create prosperity for both our peoples. 🇱🇰 🇲🇻
— Mohamed Nasheed (@MohamedNasheed) November 17, 2019
ގޯޓާބަޔަ ރާޖަޕަކްޝާއަކީ ސްރީލަންކާ ޕޮޑުޖަނަ ޕެރަމުނަ (އެސްއެލްޕީޕީ)ގެ ކެންޑިޑޭޓެވެ. އެމަނިކުފާނު އިންތިހާބު ކާމިޔާބު ކުރެއްވުމާއި ގުޅިގެން ގިނަ ބަޔަކު ދަނީ އެމަނިކުފާނަށް މަރުހަބާ ކިޔަމުންނެވެ.
