މިނިސްޓަރ އޮފް ޑިފެންސް އަލްއުސްތާޛާ މާރިޔާ އަޙްމަދު ދީދީ، އޮސްޓްރޭލިޔާގެ މިނިސްޓަރ ފޮރ ޑިފެންސް ލިންޑާ ރެނޯލްޑްސާ ބައްދަލުކުރައްވައިފިއެވެ.
ދެ ބޭފުޅުން ބައްދަލު ކުރެއްވީ އޮސްޓްރޭލިޔާގެ ވެރިރަށް ކެންބެރާގައެވެ.
މި ބައްދަލުވުމުގައި، ދެޤައުމުގެ ދިފާޢީ ވަޒީރުންވަނީ، އޮސްޓްރޭލިޔާ އާއި ދިވެހިރާއްޖެ ހިމެނޭ އިންޑޯޕެސިފިކް ސަރަޙައްދަކީ ރައްކާތެރި ސަރަޙައްދެއްގެ ގޮތުގައި ބޭއްވުމާ މެދު މަޝްވަރާ ކުރައްވާފައެވެ. މީގެ އިތުރުން ދެޤައުމުގެ ދިފާޢީ ގުޅުން އިތުރަށް ފުޅާކޮށް، ބަދަހިކުރެވޭނެ ގޮތްތަކާ ގުޅޭގޮތުން ދެބޭފުޅުން މަޝްވަރާ ކުރެއްވިކަމަށް އެމްއެންޑީއެފުން މަޢުލޫމާތުދެއެވެ.
މިނިސްޓަރ މާރިޔާ ވަނީ އޮސްޓްރޭލިޔާގެ މެލްބަންގައި މިމަހުގެ 6 އިން 8 އަށް ކުރިއަށްގެންދިޔަ މިނިސްޓީރިއަލް ކޮންފެރެންސް އޮން ކައުންޓަރ ޓެރަރިޒަމް ފައިނޭންސިންގ" ގައި ތަޤްރީރުކުރައްވާފައެވެ.
