މި މަހުގެ 17 ވަަނަ އަހަރު ރައީސް އިބްރާހިމް މުޙައްމަދު ޞާލިޙުގެ ސަރުކާރަށް އަހަރެއް ފުރޭނެއެވެ. އެމަނިކުފާނުގެ ސަރުކާރުން ގިނަ ކަންތައްތަކެއް ކޮށްދެވިފައިވާ ކަަމަށް ސަރުކާރުގެ ބުނެއެވެ. ޖުމްހޫރީ ދުވަހުގެ މުނާސަބަތުގައި ދަރުބާރުގޭގައި ބޭއްވި ޖަލްސާގައި ރައީސް ޞާލިޙް ވަނީ އަހަރު ދުވަހު ކާމިޔާބީތަކުގެ ކުރު ތަފުޞީލެއްް ދެއްވާފައެވެ. އެމަނިކުފާނު ވިދާޅުވީ، ރައްޔިތުންނަށް ވީ ވަޢުދުތަކުގެ ތެރެއިން، މި އަހަރު އެންމެ ބޮޑު ސަމާލުކަމެއް ދީފައިވާނީ، މުޖްތަމަޢުގެ ހަމަޖެހުމާއި އަމާންކަން ކަށަވަރު ކޮށްދިނުމަށް ކަމަށެވެ.
ރައީސް ވިދާޅުވީ، ވޭތުވެދިޔަ އަހަރުގެ ޕޮލިސް ރިކޯޑްތަކަށް ބަލާއިރު، އަނިޔާވެރި ކުށްތައް، އެންމެ މަދުން ހިނގީ މި އަހަރުކަން އިނގޭ ކަމަށެވެ. ގުރޫޕް މާރާމާރީގެ ޢަދަދުވެސް މިދިޔަ އަހަރަށްވުރެ 50 އިންސައްތަ މަދުވެއްޖެ ކަމަށް ރައީސް ވިދާޅުވިއެވެ. މިދިޔަ ހަ އަހަރުގެ ތެރޭގައި ގޭންގް ކުށްތަކުގައި، މާލޭގެ މަގުތަކުގައި 21 މީހަކު މަރާލާފައިވާ ކަމަށް ރައީސް ހާމަކުރެއްވިއެވެ. ނަމަވެސް އެންމެ އުފަލާއެކު އެމަނިކުފާނު ފާހަަގަކުރެއްވީ ގޭންގް ކުށްތަކުގައި، އެންމެ މީހެއްގެ ފުރާނަވެސް މި އަހަރު ގެއްލިފައި ނުވާކަމެެވެ.
މިއީ މާތް ﷲގެ ވާގިފުޅާއި މަދަދާއެކު، ދާޚިލީ ޞުލްޙަމަސަލަސްކަން ޤާއިމުކުރުމުގައި، ދިވެހި ފުލުހުން ކުރަމުން އަންނަ ވަރަށް ބުރަ މަސައްކަތްތަކެއްގެވެސް ނަތީޖާކަން އަޅުގަނޑު ގަބޫލުކުރަން. އެކަމަށްޓަކައި ދިވެހި ފުލުހުންނަށް އަޅުގަނޑު ވަރަށް ޚާއްޞަ ޝުކުރެއް މިއަދު ދަންނަވަން. ނަމަވެސް،އިބްރާހިމް މުޙައްމަދު ޞާލިޙް ~ ރައީސުލްޖުމްހޫރިއްޔާ ~
މާލޭގެ މަގުތަކުގެ އަމާންކަން ދަމަހައްޓައި ޞުލްޙަވެރިކަން ޤާއިމުކުރުމަށް އަދިވެސް ގިނަ މަސައްކަތްތަކެއް ކުރަންޖެހޭ ކަމަށް ރައީސްގެ ވާހަކަފުޅުގައި ފާހަގަކުރެއްވިއެވެ.
ރައީސްގެ ތަފާސް ހިސާބުތައް އަދަދުތަކުން
- 5 ސަރަހައްދެއްގައި ޓަރޝަރީ ހޮސްޕިޓަލްތައް ޤާއިމުކުރުމުގެ މަސައްކަތް
- ހިލޭ ޑިގްރީއަށް ކިޔެވުމުގެ ޕްރޮގްރާމްގައި މިހާތަނަށް 4736 ދަރިވަރުން ބައިވެރިވެފައިވޭ
- 567 ދަރިވަރުންނަށް ސްޓޫޑެންޓް ލޯނު ދޫކުރެވިފައި
- އިޢާދަކުރަނިވި ހަކަތައިން، 11 މިސްކިތެއް އޭސީ ކުރުމުގެ މަސައްކަތް މިހާރު ވަނީ ފެށިފައި
- 8 ރަށެއްގައި މިސްކިތް އެޅުމުގެ މަސައްކަތް މިހާރު އެބަ ކުރިއަށްދޭ
- 34 ރަށެއްގެ ބަނދަރު މަޝްރޫޢު ކޮންޓްރެކްޓަރާ ޙަވާލުކުރެވިފައިވޭ
- 7 ރަށެއްގެ މަގުތައް ރަނގަޅު ފެންވަރަކަށް ހެދުމުގެ މަސައްކަތްވެސް ކުރިއަށް އެބަދޭ
- 58 ރަށަކަށް ޖެނެރޭޓަރު ސެޓް މިހާރު ވަނީ ފޯރުކޮށްދެވިފައިވޭ
- 33 ރަށެއްގެ، ފެނާއި ނަރުދަމާ ނިޒާމު ޤާއިމުކުރުމަށް ކޮންޓްރެކްޓްގައި ސޮއިކޮށްފައިވޭ
- 13 ރަށެއްގައި ސޯލަރ ޕަވަރ ސިސްޓަމް ޤާއިމުކުރެވިއްޖެ
- ޚާރިޖީ ދާއިރާއިން ރާއްޖެއަށް ކާމިޔާބު އަހަރެއް
- 14 ޞަރަޙައްދެއް ޙިމާޔަތްކޮށްފިން
ރައީސް ވިދާޅުވީ، ރައްޔިތުންނަށް އެންމެ އަވަސް ޙައްލެއް ބޭނުންވާ، އަދި އެންމެ ބޮޑު އިޖުތިމާޢީ މައްސަލައަކީ ބޯހިޔާވަހިކަމުގެ މައްސަލަ ކަމަށެވެ. މާލެ ޞަރަޙައްދުގެ ބޯހިޔާވަހިކަމުގެ މައްސަލައަށް ޙައްލެއް ހޯދުމަށް ހުޅުމާލޭގައި އިތުރު ފްލެޓް އެޅުމުގެ މަސައްކަތް، އަންނަ އަހަރުގެ ތެރޭގައި ފެށިގެންދާނެ ކަމުގެ ޔަޤީންކަން ރައީސް ޞާލިޙް ވަނީ އަރުއްވާފައެވެ.
