ސްރީލަންކާގެ މާވަނެއްލާ ގައި ހުރި ބުދުތަކަކަށް ގެއްލުންދިން ކަމުގެ ތުހުމަތުގައި ދިވެއްސަކު ހޯދުމަށް އެޤައުމުގެ ފުލުހުން ޢާންމުންގެ އެހީއަށް އެދެފިއެވެ.
ހޯދަން އިޢުލާން ކޮށްފައިވަނީ މިދިޔަ އަހަރުގެ ޑިސެމްބަރު މަހު މާނަވެއްލާ ގައި ހުރި ބުދުތަކަށް ގެއްލުން ދިން މީހުންގެ ތެރެއިން އިސްކޮށް ހުރި މީހާ އާއި ގާތް ގުޅުމެއް އޮންނަ މީހެއް ކަމަށް ސްރީލަންކާ ފުލުހުން ވަނީ ބުނެފައެވެ.
ފުލުހުން ވަނީ މައްސަލައިގައި ތުހުމަތު ކުރެވޭ މީހާގެ ސިފަ އަންގައިދޭ ކުރެހުމެއް ޢާންމުކޮށްފަ އެވެ.
އަދި އޭނާއަކީ 30 އަހަރާއި 35 އަހަރާއި ދެމެދުގެ އުމުރުފުރައިގެ މީހެއް ކަމަށް ވަނީ ބުނެފައެވެ.
އޭނާ އާއި ގުޅޭ އެއްވެސް މައުލޫމާތެއް ލިބިއްޖެނަމަ ސްރީލަންކާގެ ޑިޕާރޓްމަންޓް އޮފް ކްރިމިނަލް އިންވެސްޓިގޭޝަންގެ ފޯން ނަމްބަރު 0112326936 ނުވަތަ 0718591774 އާއި ހިއްސާކުރުމަށް އެދިފައިވެއެވެ.
