އަންނަ އާދިއްތަ ދުވަހަކީ ރަސްމީ ބަންދު ދުވަހެއްގެ ގޮތުގައި ސަރުކާރުން ކަނޑައަޅައިފިއެވެ.

ރައީސް އޮފީހުގެ ތަރުޖަމާން އިބްރާހިމް ހޫދު ވިދާޅުވީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އާދިއްތަ ދުވަސް ބަންދުކުރަން ނިންމީ އަންނަ ހޮނިހިރު ދުވަހަކީ ކީރިތި ރަސޫލާގެ އީދު މީލާދީ ދުވަހަށްވާތީ ކަމަށެވެ. އަދި ހޯމަ ދުވަހަކީ ޖުމްހޫރީ ދުވަހަށް ވެފައި އެ ދެމެދަށް ރަސްމީ އެއް ދުވަސް ވަންނާތީ ކަމަށް ހޫދު ވިދާޅުވިއެވެ.

ކީރިތި ރަސޫލާގެ އީދު މީލާދީ ދުވަހާއި ޖުމްހޫރީ ދުވަހަކީ އަބަދުވެސް ރަސްމީ ބަންދު ދެ ދުވަހެވެ.

އަންނަ އާދިއްތަ ދުވަސް ބަންދުކުރުމަށް ނިންމުމުން ހަފްތާ ބަންދާއެކު ޗުއްޓީއަށް ޗުއްޓީ އަށް ހަތަރު ދުވަސް ލިބެއެވެ.